[بن مشعاب]

	[16]ابشررررررررر[/16] يَا اللهْ يَا اللي كُل الأُمّاتْ تَرْجيكْ**********يَا واحِدْ مَا خــّابْ حيٍّ تَرَجَّاكْ يّا رُبَّ عَبْد مَا مَشَى في مَعَاصيكْ*********وَ لا يَمْشَى إلاّ في مَحَبَّتْكْ وِ رْضاكْ يَا مِرْقِب بِالصُّبْحْ ظلَّيتْ ابَادِيكْ************مَا َواحِد قَبْلي خـــَبَرْتُهْ تَعَلاَّكْ وَلِّيتْ يَاذَا الدَّهْرْ مَا اكْثَرْ بَلاوِيكْ*********اللهْ يِزَوِّدْنَا الســـَّلامهْ مِنَ اتْلاَكْ يا الِّلي عَلَى العُرْبَانْ عمَّتْ شَكَاوِيكْ*****وَلِّيتْ يَادَهْر الشَّـقا وَلْ مَقْواكْ وَاليومْ هَا اْلكانُونْ غَاد شَبَابِيكْ********تَلْعَبْ بَهَ الأرْيَاحْ مِنْ كُلَِ شِبِّـــاكْ يا مالِك اسْمعْ جَابتِي يُوم أَوصِّيكْ******وَاعرفْ تَرى يَابوكْ بآمُرْك وَانْهــاكْ وصَيّة مِنْ والد طَامِـــعٍ فيكْ*******تَسْبِقْ عَلَى السّـــاقَهْ لِسَانُهْ العَلْيَاكْ أُوصِيكْ بالتقوى عسى اللهْ يهديكْ*****لَهَا وَتِدْرِكْهــا بتوفيقْ مـــولاكْ أللهْ برَب أَجْدَادَكْ الغُر يَعْطيكْ*********مَرْضاتِهْ مَعْ مَا تَمَنَّى مِنَ اَمْنَــــاكْ إحْفَظْ دَبَشْكْ اللِّي عَنِ الناسْ مِغْنيكْ********اللِّي لِـيـا بانَ الْخلَلْ فِيكْ يَرْفَاكْ وِاعْرِفْ تَرَا مكَّهْ وَلاَهَـا بنَاخِيـكْ*******لَوْ تِشحَذُهْ خَمسَهْ مَلاَلِيمْ مَعْطَـاكْ إِجْعلْ دُرُوب الْمرْجَلَه مِنْ مَعَانِيـكْ*******واحْذَر تِمَيِّلْ عَنْ دَرَجْهَا بمَرْقَـاكْ لاتِنْسَدِحْ عَنْهَا وَتَبْغيني اعْطيــكْ********جَمِيعْ مَا يَكْفِيكْ مَا حَاصِل ذَاكْ أَدِّبْ وَلَدْكْ إن كَانْ تَبْغيه يَشْفِيـكْ*******وِنْ ضَاقَتْ امُّهْ لاَتِخَلِّيهْ يَــالاكْ إِمَّا سَمَجْ وَاسْتَسْمَجَكْ عِنْدَ شَانِيكْ********وِيَفِرّْ منْ فِعْلَهْ صَدِيقَكْ وَشَرْوَاكْ وَلاَّ بَعَدْ جَهْلُهْ تَرَاهُو بِيَاذِيـــكْ********لَوْ زِعْلَتْ امُّه لاَتَخَلِّيْـهْ يالاَكْ واحْذَرْ تِضَيِّع كُلّ مَنْ هُو ذَخَرْ فِيكْ********مَعْرُوفْ لاَتَنْساهْ وَاوْفِهْ بِعِرْفَاكْ تَرى الصَّنَايِعْ بَيْنَ الاْجْوَادْ تَشْريـكْ********إِلْيَا طِمِعْتْ ابْغَرْسَهَا لاَ تَعَدَّاكْ وَاحْذَرْ سُرُورْ ابْغَبَّةَ البَحْر يَرْميـكْ********ولاَعِنْدُهْ افْلَسْ مِنْ تَشَكِّيكْ وِابْكَاكْ وَاوْفِ الرِّجالْ احْقُوقَهَا قَبْلَ تُوفِيكْ********لاَ تُوفِه بِالْقَولْ فَالْحقّ يَقْفَـــاكْ وَهَرْجَ النَّمِيمَهْ والْقَفَا لاَ يَجِي فِيك********وِايَّـاكْ عرضْ الغَافِلْ ايَّاك إِيَّـاكْ تَبْدِي حدِيث لَلْمَلاَ فيهِ تَشْكِيـكْ********وِتْهِيمْ عِنْد النَّاسْ بِالْكِذْبْ واشْراكْ وَاليَانَوَيتْ احْذَرْ تِعَلِّمْ بَطَاريــكْ*******كمْ واحِد تَبْغِي بَـهَ العِرْفْ وَاغْوَاكْ وَاحْذَرْ شَماتَتْ صاحِبْ لَكْ مِصَافيكْ*****وِلْيا جرى لَكْ جارِي قالْ لَوْلاكْ وَ لا تَحْسَبَنَّ اللهْ قُطُوعٍ يِخَلّيــكْ*******وَ لاَ تَفْرحْ اِنَّ اللهْ على الخَلْقْ بدَّاكْ الضَّيف قدِّمْ لُهْ هَلاَ حينْ يَلْفِيــكْ*******ومِمَّا تِطُولُهْ يَا فَتَى الْجُودْ – يُمْنَاكْ إِحْذرْ تَلَقَّى الضَّيف مِقْرِنْ عَلابِيـكْ******خَلَّهْ مِحِبٍّ لِكْ صَدِيق إذا جَــاكْ وَوْصِيكْ زَلاتْ الصَّدِيقْ إِنْ عَثَافيكْ*******ماَ زَالْ يغَطَّاهَ الشَّعَرْ فَاحْتمِلْ ذَاكْ رَاعِهْ وَلوْ مَا شُفْتْ أَنُّـهْ ما يَرَاعِيكْ*******عَساكْ تِكْسِرْ نِـيَّـتَهْ عنْ مَعَادَاكْ وَاحْذَرْ عَدُوّكْ لوْ ظَهَرْ بِي يصَافِيكْ******خَلَّكْ نَبِيهْ و رَاقِـبُهْ وينْ مَاجَاكْ لاَ تَأْمَـنُهْ واطْلُبْ منَ اللهْ يَنَجِّيـكْ*******ويكْفيكْ ربَّكْ شرّْ ذُولاَ وِ ذُولاَكْ شُفْني أَنَا يابُوكْ بآمُرْكْ و انْهِيــكْ*******عَن التَّعرُّضْ بَين الاثنَـين حَذْرَاكْ إذا حَضَرتْ اطْلاَبَة معَ شَرَابَـيـكْ*******إسْع لَهُمْ بالصُّـلْحْ وَاللاَّشْ يِفْدَاكْ إبْذِلْ لَهُمْ بَالطِّيبْ رَبّكْ يِنَجِّيـكْ*******وَلاَ تِجْضَعْ الْمِيزَانْ مَعْ ذَا وَلاَ ذَاكْ أمَّا الشَّهَادهْ فَادِّهَا إنْ دَعُوا فيـكْ*******بَيِّنْ عَمُودْ الدِّينْ لاَ عِمْيتْ ارْيَاكْ بَالَكْ تِمَاشِي واحِد لَكْ يِرَدِّيـكْ*******طَالِعْ بَنِي جِنْسَكْ وَفَكِّرْ بِممْشَـاكْ رابِعْ أصِيلٍ في زَمانَكْ يشَاكيـكْ*******لاَ شَافْ خِلاَّتَكْ عنِ الناسْ غَطَّـاكْ وَ احَذِّرْكْ عنْ طَرْدْ المِقَفِّي حذَاريكْ******علَيك بِالْمِقْبِلْ وَاتْرُكْ اللِّي تَعَدَّاكْ ثمَّ الْعَـن الشيْطانْ لَيَّاهْ يِغْوِيــكْ*******تَرَى انْ تبِعْتُهْ لِلشّـرَابِيكْ ودّّاكْ واوصِيكْ لاَ تَشْكِي عَلَيناَ بلاَوِيكْ********أنتَ السَّبَبْ طَرْفَكْ اعْيُونَكْ بِيُمنَاكْ واعرِفْ تَرا اللِّي وطَا الفِعْرْ وَاطِيكْ*******وَلاَ انَتْ أعزْ امْنَ الجمَاعهْ هَذُولاَكْ ألْمَسْكْ يَا رَاسِي مِنَ الذُّلْ واخْطِيكْ*******وَاحذَرْ تَكَلَّمْ يَا لِسَانِي حــذَارَاكْ والْطُفْ بِجَارَكْ وَقُمْ مِنْ دُونْ عانِيكْ*******وافُطَنْ لِما يَعْنِيكْ عنْ ربعةَ اَخْواكْ يَا ذِيـبْ وِنْ جَتْكَ الْغَنَمْ فِي مَفَالِيكْ******فَاكْمُنْ إلَيـنْ أنَّ الرّّعَايَا تَعَـدَّاكْ فِيما مَضًى يَاذِيبْ تَفْرِسْ بيَادِيــكْ******وَاليومْ جَا ذِيبٍ عنِ الفَرْسْ عَدَّاكْ يَا ذِيبْ عَاهِدْنِي وَعَاهِدْكْ مَرْمِيـكْ*******مَرْمِيكْ أنَا يا ذِيبْ لَوْ زَانْ مَرْمَاكْ وَالنَّفْسْ خَالِفْ رَأْيَهَا قَبلْ تَرمِيـكْ********تَرى لهَا الشَّيْطانْ يَرْمِي بِالاهْلاَكْ وَمِنْ بَعْدِ ذا لاَ تَصْحَبَ النَّذْلْ يَعْدِيكْ******وَعَنْ صُحْبَةَ الأنْذالْ حَاشَاكْ حاشاكْ تَرَا الْعَشِرَ النَّذْلْ يَخْلِفْ طَوَارِيـكْ********وانَا اَرْجِيَ اَنَّكْ مَا تَجِي دُونْ آبَاكْ والْهَقْوَةَ اَنَّكْ مَا تَجِي دُونْ اَهَالِيكْ********ولا ظُنّْ عُودَ الوَرْدْ يُثمِرْ بتُـنْبَـاكْ والحُرّْ مِثْلَكْ يَسْتَحِي يَصْحَبْ الدِّيكْ******وإنْ صَاحَبُهْ قَافَا مِقَافَاةَ الاَدْيــاكْ لاَ تَسْتَمِعْ قَول الطّرَفْ يَومْ يَلْقِيـكْ******بَالْكِذْبْ يقْضِي حاجَتُهْ كُلّْ مَا جَاكْ مَنْ نَمَّ لَكْ نَمّْ بِكْ وَ لاَ فِيهْ تَشْكِيكْ******واليَاهْ قَدْ زَرَّى رَفِيقَــكْ وَ زَرَّاكْ عِندكْ حَكَى فِينَا وَعِنْدِي حكَى فيكْ******واَصْبَحْت كَارِهْنَا وَحِنَّا كِرهنَـاكْ مَا اَ خْطَاكْ مَاصَابَكْ وَلوْ كانْ رَامِيكْ******وَاللِّي يَصِيبَكْ لَوْ تَتَقَّيتْ مَا اخْطَاكْ مَيْر اسْتَمِعْ منِّي عَسَى اللهْ يَهْدِيـكْ*******النُّصح يَا مَالِكْ لَكَ اللهْ المَـولاَكْ عِنْدِي مَظِنَّـهْ مَا تَمَثَّـلْتَـهَا فِيكْ*******واطلُبْ لَكَ التَّوفِيقْ مِن عِنْدْ مَولاَكْ