يِاصـــــــــــــــــــــاحبي
يِاصاحبي شديـت عنـا وصديـت
ما كن لك في الـدار ربـع وقرابـه
يالكوكب الـدري وياشمعـة البيـت
ياغصـن موزناعـم فـي شبـابـه
وقرصفالي بـس بـه مـا تهنيـت
عسر مناله فـي عـلاوي هضابـه
انا اطلب الله كل ما اصبحت وامسيت
يسقي زروع القلب من مـا شدابـه
ياكثـر وناتـي وكثـر التناهـيـت
على وليـف حـظ غيـري غدابـه
فاجوه بالفرقـا وانـا فيـه فوجيـت
والقلب مـن عقبـه تجـدد عذابـه
حبه شغف قلبي وانا عنـه عّديـت
وما دبـر المولـى لعبـده رضابـه
لوشفتني ياغـض الأنهـاد حنيـت
غديت عقبك مثـل قـوس الربابـه
خليتنـي لانيـب حـي ولا مـيـت
في وسط سجـن مبهـم قفـل بابـه
سجن العراق اللي به سمعت وأوحيت
ابوغريـب اللـي شديـد عـذابـه
أنا اشهد اني بـك تولعـت وابليـت
والحـب بلـوى والله اللـي بلابـه
حب الحبيب شتـت القلـب تشتيـت
وحب بـدون اسـراروش ينبغابـه
ارسل كتابك لي وأبا قـول حييـت
حـي الكتـاب وحـي منـه كتابـه
وبشر عساك بخيرمن رحت لا جيت
عساك في حـال السعـد والطرابـه
الله يفكـك مـن عيـون العفاريـت
قطاعـة الساقـه كـلاب الخرابـه
أطلب ولي العرش لك ليـن صليـت
يلبسـك ثـوب العافيـه والمهـابـه
ياما غفيت وفعت وأفكرت واصحيت
ويا ما لعنت الحـب واللـي سعابـه