[الحرألأبيض]

ابيـــــــــــــات خالده
هناك أبيات تميزت بملامستها لأعماق الناس وقربها من همومهم وقضاياهم حيث جاءت بأسلوب مطابق لما يريدون التعبير عنه فظلت عالقة في الأذهان والعقول وحفظها الناس وتناقلوها حتى يومنا هذا لتضرب بها الأمثال في الأحداث والمناسبات المشابهة، ومما قيل في الحكمة والنصح والارشاد هذه الدرر الثمينة من المقتطفات الشعرية:

يقول: بركات الشريف

أحفظ دبشك اللي عن الناس مغنيك=اللي ليا بان الخلل فيـك يرفـاك
وأعرف ترى مكة ولاها بناخيـك=لو تطلبه خمسة ملاليم ما أعطاك
والحر مثلك ما يصحـب الديـك=وإن صاحبه عاعا معاعات الأدياك

يقول: الشريف جري الجنوبي

ليا عاد ما للرجّال رأيٍ يدله=يأخذ من أشوار الرجال دليل

راشد الخلاوي

من عوّد العين المنـام تعـوّدت=ومن عوّد العين المساري تعاود
ومن عوّد الصبيان أكـل بيتـه=عاودوه في عسر الليالي الشدايد

مريبد العدواني

النوم رأس اللوم بان الردى بـه=واللي يبي الطولات نومه شلافيح
الذيب ما يرقـد ورزقـه نهابـه=يدوّر الغـرات عنـد المصاليـح
واللي يبا الطولات يتعب ركابـه=والعز بأكوار النضا ياهل الفيـح

محمد الأحمد السديري

فتـى بـلا عـزم حياتـه مذلـة=والعزم لقلوب الرجـال طبيـب
من لا صبر بالعسر ما ذاق يسرها=وباب الفرج للصابريـن قريـب

راشد الخلاوي

مقام الفتى في منصب العز ساعة=ولا ألف عام يصحب الذل صاحبه

عبدالله القريفة

المراجـل مـا تهيّـا هالسّويـا=كود من عض النواجذ في سنونه

ضيدان العارضي

الظفر ساعه وإن حلّ ماجوبه=والمراجل لها حزّات ورجالي

خلف أبو زويد الشمري

الحمّـرة تـدرك معوشـة عيالهـا=وألا الرجل يبغى منه بعض الأحوال

سعدون العواجي

ليا صار ما توفي عميلك من الصاع=ما ينقعد لك عند حصـن النواهيـم
شبرٍ من البيداء يعوّضك بالافـزاع=وسود الليالي يبعدنّك عـن الضيـم

يقول: تركي بن حميد

من لا يديس الرأي من قبل ما ديس=عليـه داسـوه العيـال القرومـي
ومن لا يقلّط شذرة السيف والكيس=يبدي عليه مـن الليالـي ثلومـي
والقصر ما يصلح على غير تسييس=ومن لا تعلم مـا تفيـد العلومـي

عبيد العلي الرشيد

الناس ما تسقيك لا صرت عطشـان=ولا يشرب المضمي كود من ذراعه
أضرب على الكايد ليا صرت بحلان=وعند الولي وصل الحبل وإنقطاعه
عيبٍ على اللي يتقي عقب ما بـان=وعيبٍ طمان النفس عقب إرتفاعـه

شالح بن هدلان

من حل دار النـاس حلّـوا ديـاره=لابـد مـا تسكـن ديـاره ويغبـن
ومن شق ستار الناس شقوّا ستـاره=ومن ضحك بالثرمان ضحك بلا سن

محمد الأحمد السديري

حيٍ يورّيك المذلـة وتغليـه=أنا أشهد إنك ميت القلب عامي
من لا يوّدك لا توّده وترجيـه=أرفع مقامك يا عزيز المقامي

خلف الأذن

الضرس يعبى له عن السهر مقلاع=حتى تنام العين مـا هـي طلابـه

مبارك بن عبيكة

أنا أشهد إن بقصرة الرجل نوماس=لا صار ما للرجل داعيٍ دعاهـا

عبدالله بن سبيّل

لا تأخذ الدنيا خراصٍ وهقـوات=يقطعك من نقل الصميل البرادي
لك شوفةٍ وحده وللناس شوفات=ولا واديٍ سيله يفيض بـوادي

راشد الخلاوي

لا يأمن المظهود جمع المعزة=ولا يأمن الجمع العزيز الظهايد
أيضا وبيت الفقر لا يأمن الغنى=وبيت الغنى لا يأمن الفقر عايد

محمد الأحمد السديري

ليا خاب ظنك بالرفيق الموالي=ما لك مشاريهٍ على نايد الناس

مشعان بن هذال

يا بايعٍ جوخٍ على غيـر أهاليـه=مثل الذي ينزل بقصـرٍ خرابـه
ولد الردي لو طاب لك لا تماشيه=يومين والثالث يبين الـردى بـه

اخي الكريم/سبيعي2007
يعطيك العافيه على أبيات الحكم الجميله
والرائعه ونتمنى لك التوفيق والنجاح
وتقبل صادق مودتي
ودمت بخير