[فوز]

السلاااام عليكم
بدون مقدمات
قصيده دايم ابوي يقولها ويتهيض وهي جداً رووووعه
الي عنده شايب امانه يسمعه هالقصيده

يا والله إلي شدوا البدو يابداح ** شدوا وانا يابداح مالي مراحي

من عقبهم يابداح مانيب مرتاح ** الله لا يسقي سواد المراحي

ياضيقةً فالصدر ماعاد تنزاح ** ماعاد يمحاها من الصدر ماحي

يابداح دور لي طبيبً وجراح ** يشوف ضيقة خاطري وانشراحي

حطيت لي من ضيقة الصدر مسباااح ** و اوميت به حتى تقطع وطاحي

أثرره خرز ماينفع القلب لو لاح ** لا شك بعض الناس ماهوب صاحي

من اولً لا اصبحت أنا جيت سراح ** القى بني عمي طوال النواحي

مجالسن فيها سواليف ومزاح ** فيها العويدي واشقر البن فاحي

واليوم مافيها سوا كل فلاح ** سود العبيّد إلي تشيل المساحي


وسلامتكم