الاخ / العاقل الحكيم أشكرك على إراد قصيدة الشاعر / شبيب فهيد السبيعي على منتدى قبيلة سبيع الغلبا
وهذا ردي على القصيدة .
أملي أن تحوز على رضى الجميع
أهلاً هلا مرحبا ترحيبةٍ جمه=برسالةٍ جت بطيب العود فواحه
من شاعرٍ يرمع الأبداع ويتمه=نفسه لكسب العلا والجود طماحه
يطمح فتى العرف لمراسل بني عمه=من طيب ذاته وحسن الخلق وأنصاحه
والكلمه اللي لها تقدير ومهمه=تحمل مبادي رفيع الذوق وايضاحه
معها فسع هاجسي لين أتجه يمه=لوصادفه وقفةٍ للسد بواحه
يدرج ندبها مع الموضوع ويعمه=بالشرح لو كان ماتحتاج شراحه
كن المشاعر رضيعٍ خم صدر أمه=ومن الشفق مص تفاحه وتفاحه
حتى لوالقافيه لعروشها زمه=معها خواطر بيوت الشعر شطاحه
ولو كان بعض الهقاوي تبرم العمه=حبايها ماجي من تحت بطاحه
وان كان تسأل عن الموروث والخمه=كيف ادعوا شلة التدمير بصلاحه
الشعر ياصاحبي غثه غلب كمه=مشاكله مثل حلم الليل واشباحه
من يوم جابه من التجديد كركمه=عليه يومي غراب البين بجناحه
سارت تجارة غسيل المال في دمه= تسري بمسراه وتسرح بمسراحه
كانك تبي راي خل الوضع دمدمه=لاتنبش القبر للميت وذباحه
أسمه على صورته جثه وجمجمه=الروح مسلوب والملوي بمطراحه