[المدهوني]

السلام عليكم ورحمة الله وبركاته
~*¤ô§ô¤*~*¤ô§ô¤*~ قال أبوعلى :


اللـــــــــــه من قلب همومه مشـــــــــــــاويح

الله من قلب همومـه مشاويـح
على الذى حالى قضت من سببها
شيهانة أومـى لهـا بالملاويـح
وأرمى لها خيط الشبك ماقضبها
ماتقع الافـوق عالـى اللحاليـح
وان هب ذعذاع الهبايب رعبهـا
غرو بحبه جرح القلـب تجريـح
حير قدم رجلى وروحـى جذبهـا
لاهيب شّاويه ولامـن الفلاليـح
حوريـه غـرا عزيـز نسبهـا
راعى عيـون للمولـع ذوابيـح
سود محاجرها وعكـش هدبهـا
تعطى بنظرات بغمـز وتمازيـح
من وسع خاطرها وحسن ادبهـا
الله يفكه من عيـون المشافيـح
اللـى بنادقهـم سريـع ندبهـا
اللى على اسرار الولايف مفاضيح
سود القلوب الله يفـرق شعبهـا
حظى معه جاله صدوف وسواميح
وانا ارجى ان الله يخلص نشبهـا
من نور حور العين فيها ملاميح
حصه بحر ما كل غوص كسبهـا
ماهى من اللى يلعبون المراجيـح
ولا يندرى عنها ولا من عربهـا
مادام ماصفت علـي المصافيـح
منسى تغنجها ولا أنسى عجبهـا
غروبزينه شلح القلـب تشليـح
وعروق قلبى من الظمايرنهبهـا
يانور عينى يازعيـم المماليـح
نفس المولـع لا تخيـب تعبهـا
والله ان اموت وخافى السر مابيح
وأتبع هوى نفسك وأكمل طلبهـا


وإاليكم هذه الرائعة الأخرى


الله من عين تزايد عنــــــــــــــاهـــــــــــــــا

لله مـن عيـن تـزايـد عنـاهـا
وأسبابها غض النهـد ناعـم العـود
مجهولـة مـا ينعـرف وش وراهـا
وعند المهّبل ذكرها غير مـا جـود
ظبي شعـف قلبـي وحالـي براهـا
والقلب عن غيره من الناس مصـدود
فقده مرض روحي وشوفـه دواهـا
مادام موجود ترى العمـر فـي زود
ومن حسن سيرتهـا تجـدد غلاهـا
والحب لا منه صفـا مالـه حـدود
والله إن اموت وهاجسي ما نساهـا
وذيك الرموش العكش والحجّر السود
وخد كما القنديل يوضـي سناهـا
وأشقر جديل فوق الامتان مرجـود
سلعـة ملـوك كايـد مشتـراهـا
مايشتريها غير مـن ينطـح الكـود
عضة غضيضة تـو زمـت صباهـا
عمهوجة في غايـة العمـر فرهـود
مـن لامنـي فيهـا لعلـه فداهـا
عن رحمة الله يوم الاشهـاد مطـرود~*¤ô§ô¤*~*¤ô§ô¤*~