[حوت البحور]

دق هاجوس الضماير على قاف غريب=والتماثيل إرهجت وإفتحت بيبانها
من هواجيس تعاقب مثل ورد القليب= هاجسي لامن لعبها صخر قيفانها
في طلبنا واردة كنها وردن عزيب=فوق بيرن تزعج الجم مع جيلانها
أقتطف مالاق منها وغناها شبيب=يوم بتعبير زان المثل بعلانها
ينظم الجزلات ولا الهزيلة بصليب=ما يقول إمن المثايل يكود إسمانها
بارعن في لعبها بالصبا قبل المشيب=ما حلــى لعــب المثايــــل بزين الحانـــها
لزحازيح النشاما ألذ من الحليب=لافتكرت إبعدها الؤلؤ ومرجانها
يوم اطـالع ياعجـــايب عجب والله عجيــب=قلتـــها في ليلـــةٍ غايبٍ شيطـــــانهـــــــــــا
أستمع ياصاحب الراي والعقل اللبــــــــيب=كل منهو ياستمــــــعها عرف محيـــــانها
ذا ونا والله مـــــــاني على العالم رقـــــيب=شفت الأمة بالقرى كــــــاثره خبــــــــلانها
حيسفي ياكل منهو عريبٍ من عريب=أخلفت عادات أهلها مع جدانها
في طريقه ماشين بالخطا والعيب عيب=مايحسب للخلايق وهرج ألسانها
لانصحته عن طريق الخطـــا مايستجـــيب=ليــت ياراع النصيحه حصــــــل كتمانهــــا
كل مخلوقٍ يجيله بها لدنيا نصـيب=شابعات إنسورها جايعن سرحانها
عزوتي لاد القؤيشي منزحت الحريب= القبايل بالفلا طوعت شيخانها
يلطمون الشره لامن عوا ذيب لذيب= من جنوب وشرق الخرمة ووديانها
المشاري شيوخنا مابها شك وريب= أشتهر ذيب السرايا وجا سلطانها
ناصر اللي يرفع الراس بالفعل الرهيب= لالحقها بالمضامي شعا قطعانها
أشهد انها بالقبيلة مثل نجم رقيب=كل هيه لاحضر لطم شيطانها
ذاوذا وأخوان شرعاء لهم موقف صعيب=الهمالين النموره رجح ميزانها
ياجري يالي صويبك خطيرا مايطيب= مضرب الشلفا يدق النحر ومتانها
وأنت يافنيسان فعلك كتب عنه الخطيب=ونعم بك يالهيمري لامسكت إعنانها
كم عقيدا تطرحه فوق موميت السبيب=طار من ظهر الكحيله وطاح أوزانها
للفخروندان وندان ياسقم الحريب=مضربه فلجف والجمجمه ووتانها
مضربه بالسيف فرق حبيب من حبيب= كل جابه عندنا واردن ثبتانها
وأبن حريه سجاعه وبالراي المصيب= أفة بين القبايل قهر عدوانها
دغيم أبن جميع حماي حلاوات الحليب= للكلام أثبوت قالوا شهود أعيانها
لالحقها فرت الخيل عن وجه هريب= فارس قالوا يهزا العدا بأوطانها
ونتنومس كل ماجا مجالك ياعضيب= للتقت عين وعين معى ديانها
أشهدنك ترفع الراس يالنمر العطيب=كاسب هاذي وهذيك في تفانها
والهويج سدح القوم في وسط الشعيب=بندقة من وقعها ظابطن نيشانها
شاقنا عيد السميري بفعلله نجيب=يلطم الفريس ويعد من فرسانها
بفعله اللي ريح البال واطفاله لهيب=برد أقلوب حزينه وزال أحزانها
وأبن مكنع في المراقيب شبل ما يغيب=فارس الفريس لاطب في ميدانها
قارس الفريس ضد المعادي والطليب=لالحقها رايعت ورضعت حيرانها
كل ماجا في المراقيب ذيب له قنيب=الاسود من الطرب جاوبت سرحانها
ماحسبنا حساب منصور ولا ابنه مثيب=تاج راسي عزوتي والفخر عنوانها
فعلنا بين القبايل ترى ماهو غريب=يبصمون بعشره الشيب مع شبانها
والقبايل كل واحد اله وقفه وطيب=يحتمون الدار بعنانها واسنانها
أختامها صلوا على صفوة قريش الحبيب=عدماهلت مزون المطر ودانها