[محمد بن سلطان]

اقول يا مسري الذيب ..

اترك عن الهياط اللي ماله داعي ..

سبيع الحمدلله من القبايل اللي ندرة فيها الاحلاف ..

مافينا احلاف يا الحبيب ..

اولا العرينات من بني عرينه بن هلال بن عامر بن صعصعه .. وهذا النسب ذكره ابو علي الهجري .. وهذا هو المتوارث لدى العرينات وسبيع كافه ..

والجمالين فرع اصيل وليس دخيلا على سبيع يا طويل العمر ..

والجبور نسبة الى جبر بن مالك بن ربيعه بن عوف بن عامر بن عقيل بن كعب بن عامر بن صعصعه ...

وانا اعطيك العلم .. سبيع منها فروع دخلت في قبائل ثانيه لكن حنا ماجت علينا فروع دخيله الا قليل القليل .. حتى انهم غير مذكورين في سبيع .. تبي اعلمك بعض اللي منا وفي قبائل ثانيه .. عندك آل حمرا من بني هاجر يرجعون في الصيافا من بني عامر .. وهم اولاد علي بن صيفان ..

العبيات والوساما والعفاسا وفرع منيب اذكر اسمه موجودين مع مطير .. والعبيات هم ربع هابس بن عشوان يرجعون في المشاعبه من سبيع .. والعفاسا يرجعون في المكاحله من آل عمير وكبيرهم بن شرار والوساما من الصنادله من آل عمير كذلك ..

ومع قبائل بلحمر شيخ شملهم وجماعته بن قضعان وهو من الربايع / آل محمد الزكور

الجواسم او القواسم اكبر فخوذ قبيلة الظفير يرجعون في الضعفه من بني عامر من سبيع ..

ومع قبيلة شهران فرع ينقاله بنو ثوره وهم من بني ثور من قبيلة سبيع ..

ومع زهران السراة فخذ من سبيع كذلك ويسمونهم بني عمرو ..

مع بني خالد فرع الكراوين .. يرجعون في المشاعبه من سبيع ..

مع عتيبه ذو مريغه من المراغين الزكور مع المغايره الروقه وجزء من العوازم من النواصر شيوخ القريشات ومنهم العوازم هؤلاء الشاعر حبيّب العازمي ..

القوواده من بني عامر قوم الصفراء شيخهم خيالة الصفراء و لا ينكرون

مع الشيابين في عتيبه عائله من الشيابين المجامعه سبيع

مع المخاريم الدواسر فخذ من بني ثور واخرى من القريشات

مع الدواسر عائله أو فخذ من المشانين شيوخ المجامعه سبيع وبالتحديد من أل مجري

..................
وذاا تبي تنشد عن اي فرع في سبيع ومرجعه في بني عامر تراني حاضر يالسهلي ..

وابي اقولك السهول وسبيع عيال عم .. ومهم قالوا اللي مثلك وشرواك ماراح يتغير شي من هالحقيقه ..

الله يهديك بس يالسهلي .. هذا انت كذا على بني عمك وش لون اجل على الاغراب ..

تقبلوا تحياتي جميعا ،،

((ان اخطات فمن نفسي وان اصبت فمن الله ))
والله اعلم ..

اخوكم
محمد بن سلطان الثوري