والله على كثر ما قرأت وسمعت عن قصص وأشعار الهلالية اني ما املها.. بل وأبحث عنها وأنفعل معها كأنني لأول مرة أسمعها..
وأطرب واكيف على أشعارهم وفنهم.. وأحفظ لأبو زيد الهلالي بعض الابيات واللي يقول فيها:
يقول ابو زيد الهلالي ســــــــــــــلامه =عِرض الفتى مثل القزاز الرهـــايف
أصونه عن النذال لايكسرونه =ومن جانب الأجــــــــــواد ماني بخايف
ثلاث معاني ما وطاهن خــــــــــيّر =لك الحــــــــــمد انـــــا منهن ثيابي نظايف
منهن من يضوي على بنت عـــــــمه=وهو سترها الضافي نهار الكشايف
ومنهن إعراض الفتى عن قريــــــنه=الى مشعوا حــــــــدب السيوف الرهايف
ولاني بمن يعطي عــــــــــطاه ويمنه =ولو جــــــــــــا من الـمُعطى امور عنايف
الى مضى الماضي وراح الذي مضى=أخسّ ما تطري الرجال الحسايف
يقول ابو زيد الهلالي سلامه=دعا سو بقعا مقدم الراس شايب
اخاطر بعمري في ذرى كل هيّة=مرِّ ســلاماتِ ومرِّ مصايب
يقول الهلالي والهلالي سلامة=علي الطلاق ان المقل ذليل
ينوض يبغى للمراجل وينثني=كما ينثني للحمول هزيل