السلام عليكم ورحمة الله وبركاته
اخوكم وعضوكم الجديد ابو عبدالعزيز
بصراحه تفاجأت انو فيه عنوز يتسمون بالسبعان لكن السؤال وش مصلحتهم ؟
حنا عارفين ان قبيلة عنزه قبيلة كبيرة ومن اكبر القبائل العربية يعني الافضل للعنزي انه يكتب العنزي ليش يكتب مثلا سبيعي ؟؟ هذي وجهة نظري
وبالمناسبة حبيت اني اضيف لمعلوماتكم شوي من اللي عندي وانا من مدينة البكيرية بالقصيم
ومن فخذ العرينات من بني ثور من سبيع واحب اذكر لكم عوائل سبيع بالبكيرية
الدخيل الله والسويلم من العرينات من سبيع حكام البكيرية سابقاً ومنهم علي بن سليمان السويلم وكيل امارة منطقة القصيم
الماضي والربيعان طبعا عائلة واحده من العرينات من سبيع ومنهم عبدالله بن ماضي الربيعان وكيل امارة الطائف
اللحيدان من سبيع ومنهم فضيلة الشيخ صالح بن محمد اللحيدان رئيس مجلس القضاء الاعلى
الخضير من العرينات من سبيع ومنهم سليمان الخضير محافظ البكيرية
العمير من العرينات من سبيع
العواد من العرينات من سبيع
العريني بالبكيرية والهلالية والخبراء ورياض الخبراء والبدائع وهم الاصل العرينات
الغانم من سبيع
الحواس من سبيع
وآسف اذا كان فيه نقص
واحب اوجه سؤال هو وش الفرق بين سبيع العامرية وسبيع الغلباء ؟؟
ونسب قبيلة سبيع هل هو يرجع الى قحطان أم عدنان ؟؟
واحب اعرف عوائل سبيع في مدينة بريدة وهل عائلة المجيدل ببريدة سبعان او لا ؟؟
وبعد احب اعرف عوائل سبيع بالشرقية وعلى ما اعتقد ان عائلة المليحي بالدمام والاحساء من سبيع
وشاااااااكر لكم ,,,,,,
ابو عبدالعزيز