[مبارك مقين]

ياهاجسي دن من بين المحاديبي=نويت اطوع بيوت الشعر واعسفها
اللي عوى دونها من كودها الذ يبي= خابرك لا ثقلت القولات تنسفها
صعب المثايل تسخرها هناديبي= لو كان صله وصعباتن مواقفها
لحال من دونها جرد العباعيبي = عادت مداويرها ما جت طرايفها
ابدي لها في رفيعات المراقيبي= حتى تحضر علي تلعب غطارفها
من بعد ذا بذكر الله واذكر الطيبي= في لابتن لو سألت المجد يعرفها
سبيع ربعي مطوعت الأصاعيبي =زخمن تعدابه الدنيا محارفها
يقفون دون اللوازم والمواجيبي= قومن تجي افعالها قبل سوالفها
قطع النقذ عندهم في قمة العيبي=هاذي علومن تسولفها عوارفها
تلقى خطرهم على حرش العراقيبي= لاقفوا بجلها حنت ولايفها
طريحهم دايم جروحه معاطيبي= اما لحاف الثرى ولا تلحفها
بمصقلاتن عطيبات المضاريبي= الموت بوجيها ولا معاطفها
ترعى القفر في ذراهم شمخ النيبي= لنهت ربيع الدير ترقب مصايفها
باقي القبايل لها العليا معازيبي= اشوفها مثل ماتاريخ شايفها
يالله ياللي عالمن بالسر والغيبي= أخذل عدا المسلمين وشيل مسرفها