ضمن البرامج الخاصه بطلبة كلية الملك فهد الامنيه
نظمت اللجنه الثقافيه الثلاثاء الماضي بقاعة الملك عبد العزيز
امسية شعريه لنخبة من الشعراء /
وهم شاعرنا المبدع عايش ابوليل والشاعر تركي الشاماني
من دوره التاهيلي والشاعر نشمي الحربي من دورة الدبلوم
بحضور مدير الثقافه بالكليه الامنيه النقيب المحيذيف والملازم رائد المالكي
وبحضور مايزيد على 1600 طالب من دورة التاهيلي والدبلوم وتميز ابوليل
بعدة قصائد اشعلة سماء الامسيه وحلقت بالحضور في سماء الابداع والعذوبه
ابتدا شاعرنا بهذه الابيات
اسعد الله مساكم وارحبو يالعموم = الكرامه جزاله والمعزب شعر
لاجل نبعد عناكم والحزَن والهموم = كل منا لاجلكم يالنشامى حضر
وتلاها بقصيدة وطنيه بعنوان ( حد جيزان )ذكر فيها فعل النقيب
فواز بن شويه رافع الرايه تفاعل معها الجمهور تفاعلا كبيرا وحار ومنها هذه الابيات
اللي يمس حدود الاوطان ينهان = قدمه رحانا بالنصر مستديره
والحوثي اللــــــــــي داخل ٍ حـــد جيزان=يبشر بشر المعركه والكسيره
قدمه رجال ٍ صامدين ٍ وشجعان=واقرب مثــــــال اللي عزومه كبيره
فواز ابن شويه سلايل كحـــــيلان = اللي بفعل الطيــــب ماحد ٍ خشيره
حط العلم بيده على راس دخان =واثبت وجوده في الضروف الخطيره
مـن لابة الغلبا هل الـمجـد سـبعان=اهـل الـمواقـف والـوجـيه الـسفـيره
والي معه والنعم شيب ٍ وشبان = لاطق زير الحرب وانذر نذيره
ثم تلتها قصائد اجتماعيه وغزليه ضجت القاعه بتفاعل الجمهور معها وترديدها
نختار لكم بعض من ابياتها
نــاسٍ تــوفـر لـقمة الـعيـش بـالـديـن=ونـاسٍ مـفارشـهم حـريـر الـنعـامه
ونــاسٍ مــطالـبهـم كـثيـر الـملايـين=ونـاسٍ مـطالـبهـا الـستـر والكرامه
وذكـرىً تـهز الـقلـب وتـبكّي الـعيـن=وذكـرىً تـمر إبـنا مـرور السلامه
ودمـعٍ ذرف مـن جـاير البعد والبين=مـن حـرقته في لجون خدي علامه
دمـعٍ ذرف مـن حـر فـرقى المحبين=دمـع الـغريـر الـلي مـاكـمل فـطامه
الى ان قال
وحـلم الـفقـير الـلي لـه ايـام وسـنيـن=مـاضـنتـي بـيصـير حـتى بـمنامه!
حــلمٍ حـلمـته وأحـلمـه حـد هـالـحيـن=والــظاهــر انــي بــحلـمه لـلقـيامـه
حلمٍ غرس في صدر الاحلام سكين=حــلمٍ حــلمــته فـوق مـتن الـغمـامـه
حـلمٍ حـلمـته فـي رجـاء داعـج العين=الــلي قــسم قــلب الـمعـنى حـسامـه
وختمها
ِِنــت ونــحانـي عـن ملاقـاه ثـنتـين=خـوفـي عـليـه وخـوفـتي من ملامه
صـديـت مـثل الـلي على غاربه دين=يـوم الـزمـن بـااخـل عـلينا إبتسامه
وإن راده الله نــلت لـو كـان بـعديـ=مـادمـت يـارآسـي تـشيـل الـعمـامه
وغزلية اخرى
أشـهد إنك عذاب مرودعات الوشام=وأشـهد إنـك لـتاج الـحسـن عـم ٍ وسـيد
ويـل قـلبـي لاشـفتـك لابـس ٍ لـك لثام=اســـتعــد لــعيــونــك مــرتــين وأعــيد
ارتـجف مـن رموشك والتزم بالنظام=كـني الـجنـدي الـلي شـايـف ٍ لـه عـقيـد
وغزليه ايضا حسب طلب الجمهور تفاعلو معها الجمهور تفاعلا كبيرا
هيضتني بالصدا ياحزام = وهيضت عين ٍ شقاويه
ياليتني في السماء حوام = وازاور الزين عصريه
حبه طبع في الضمير وسام = وانجح على كبدي الكيه
قلبي ثعت فيه ام لثام = مليحه الزين نجديه
مامثلها في اليمن والشام = وشرقي بلدنا وغربيه
لاسلهمت صابني السلهام = بسوم وعيار ناريه
الى ان قال
ياعاذلي استريح ونام = مالك ومال الهواويه
لو حولها يزرعون الغام = روحي لاجلها فدائيه
والله لسوق الرجل قدام = لعيون عذرًاء سنافيه
وختمها بقصيدة تسجيل الخروج
يـاصـاحـبي والـلي من الطين سواك=إن طـيبي وعطفي فمثلك حرامي!
طـريـقتـي فـي فراق مثلك وشرواك=الــصمــت أبــلغ مــن جــزالة كلامـي
روحي عسى ربي يحفظك ويرعاك=فــي الـبعـد رااحـه لـلقـلوب الـهيـامـي
وحـتى ولـو عـطشتْ شفاي لشفاياك=وورَدتْ عــدّك هــايــمٍ فــيك ضـامـي
بـحاول اسـلى عـن ملاقـاك وأسلاك=وأصـبر وأجـاهـد رغـبتـي بـإلـتزامي
لانــــيب مــــدروكٍ ولانـــيب درّأك=ولا الموت خلفي ولا البحر من أمامي
أرجـوك تـنسَى شـخص كان يتمناك=وتــنسَى لــيالٍ عــشتـها فـي غـرامـي
سـجّل خـروجـك من حياتي وفرقاك=عــضويــتك مـاتـتفـق مـع نـظامـي !
سـمّه عـلى كـيفـك بـسيـيء نـوايـاك=قــل مــاتــبي دامـك فـقدت إحـترامـي
ودعــتك الله وأســتر الـيوم مـاجـاك=وأرحـل عـلى ركـب الـسنين الحيامي
وبيض الله وجهه ووجيهكم وسلمتو
اخوكم سبيعي وعنصري
.