أحبتي في مكانااا (ما) خلف الكواليس دارت بيني وبين أخي( فالح السبيعي) هذه الرديه والتي احببت أن انقلها لكم كماهي صادقه وعفويه.
الصـــــوت من أبويزيد
يابوبندر فى السبوعين الاخيـره=والله إن مانـي ببويزيـد الاول
بين هم وبين هاجـوس وحيـره=أبدي المشراف وأعود وأحـول
كن في جوفي لهب نار السعيره=وأتصبر مير أشوف الصبر طول
عقب ماني بعقد المجلس وأديره=قام لي من الارض يافالح يزول
الصــــدى من أبوبنــــدر
والله إني داري همومك كبيره=وخابرٍ منته بناصرنا منول
شاعرٍ مرهف إحساسه يستثيره=شاعرٍ ما يمنعه حظر التجول
وكانك بتبرك من أيامٍ قصيره=لا تضايق لو نقول إنك مهول
وكان هاجوسك بيرقيك الجديره=أرقها لكن عنا لا تطول
الصــــوت من أبويزيد
مرحبا بااللي معه بصر وبصيره=شاعرااا يطربك لاغنـا ومـول
يابعد من داج في شبه الجزيـره=الرفيق اللي على قلبـي مخـول
يابوبندروالهدف تحت الشعيـره=وأن بغيت ارميه عن عيني تحول
وإن لقيتوني حوالينـه وأديـره=بلغوا عنـي مكافحـة التسـول
الصدى من ابوبندر
ياهلا بالعرف من حضرة مديره=ما تصير السالفه حتى تقول
والعرب بالإتصالات الكثيره=تشبه الكهرب يوصله المحول
وكان روحت لديار إبن المغيره=إنتبه لا يشوفك الوجه المزول
وكان شفت إبليس قام يدق زيره=قله الغلباء على ناصر تعول