اقتباس:
المشاركة الأصلية كتبت بواسطة اّلرٍمثاّني
وبصراحه هالشاعر ماكنت عرفه الا بعد ماقريت عنه هالقصايد
وان كان يجيدك شي من قصايده لاتبخل علينا ومثل هالشعار المفروض
يستفاد منهم بخبرتهم ومعرفتهم الكافيه
|
أبشر يالذيب هذي قصيده ألقاها الشاعر في حفل مزاين سبيع في رماح
على شرف الشيخ مسلم بن سعد أبوثنين والقصيده بمناسبة فوز سبيع بالمراكز
الأولى في مزاين أم رقيبه عام 1421هـ
على نفقة صاحب السمو الملكي الأمير/مشعل بن عبدالعزيز
وطلبت القصيده منه وأعطاني هذه النسخه أتمنى أن تنال إعجابكم
بداية القول والبلغه بدايتنا=مبروك لسبيع هذا اللي بدينابه
سته وعشرين فايز من قبيلتنا=فوزٍ يسر القبيله وإفتخرنابه
الشكر للي خلقنا ثم حكومتنا=واللجنه العادله والعدل نرضابه
فزنا وخذنا الجوائز من قيادتنا=فوزٍ يشوق النظير ويحسب حسابه
الصفر والوضح هي تحقيق غايتنا=والشقح والشعل رمز الفوز وأسبابه
وأيضا المجاهيم تكميلة سعادتنا=ماهوب هرجٍ مع الناس إنتسلابه
الجائزه من يدين الشيخ وصلتنا=بالعدل ما أقول جتنا نصب ونهابه
مع خيرة البدو واصلنا مهمتنا=والفوز نحسب عليه ونلبس ثيابه
الطيب طبعٍ لنا والفوز عادتنا=كم موقفٍ لاحضرنا فيه فزنابه
من فضل رب الملا نفخر بسمعتنا=وقولٍ بليا دلايل ما أستنينابه
من ماضي الوقت ما ديست كرامتنا=سبيع مايلبسون الجوخ نصابه
إليا لبسناه ترفع فوق رايتنا=وكلٍ درى إنه حضر للخيل ركابه
ولا أقول به نقص بين أبناء عروبتنا=كلٍ على فعل جده يشعب ركابه
إليا حضرنا تشوق العين حضرتنا=نفوز بالبل وللحراب حرابه
كم فارسٍ لا وقع بنحور غارتنا=نرميه للضبعه العرجاء تعشابه
في ماضي الوقت ماتوخذ رعيتنا=كم شيخ قومٍ ليا خذها ثعينابه
ودخيلنا مايزعزع في حمايتنا=وقصيرنا سيف إبن ضاري تذرابه
سيفٍ عرف في مواجهنا ووقفتنا=في كف شيخٍ ليا غرنا إعتزينابه
عنا تعدي مواقفنا وهيبتنا=وفعلٍ ليا أتاح له فرصه هرجنابه
نآخذ ونوخذ بصولتنا وجولتنا=والخصم نبلاه والفعل إنتسنوابه
ذباحة الحيل وتنومس عطيتنا=جزل العطاء من قبيلتنا عرفنابه
والشكر للي مشاركنا بفرحتنا=ماننكر إنا كسبناه وفرحنابه