اخي ابو فراج اشكرك على نقل هذه القصه والقصيده
التي توضح فعل اهل العشر المردف من سبيع
والتي تشابه اهل العشر المردف من مطير
ولاكن الشعر يحفظ للاجيال افعالهم
سبيع تثبتا هذه القصيده
ومطير كذالك اثبتوها
بقصيده ثانيه
عمرية جيناك من قلعة النيا= وجينا على عشر الركاب ارداف
جينا مع زيزا حماد متاهة= على صيعريات صغار خفاف
شرف رقيبتنا بمابان قدامنا= وجانا معيف وهايله ماشاف
وغاروا ععلينايوم شافواقلنا= وردوا حياهم وصدروا عياف
وجرى لنا في نقرة سنام دويسة= يشبع بها ذيب جراه ضعاف
نقرةسنام لاعلاهاوابل الحيا= ولانزفت عقب الحقوق عذاف
لاكن تعـيلجـنا ليا ضـيقوا بنا= تـعلـيج سـباع عنـدهن علاف
ولاكن قـرطـبـةارحـنا بـيـمانـا= سعيرة ضو وسط غـابة غـاف
اباأمدح علي وابن نوبان هاجد= وحمد لنا في الضيق مثل سناف
ذبح ثلاث قـبل تبـرك ركـابـنا= عـسـى تـعدى عـمـره الأسـلاف
حمد ومنصور ظــفور في اللقا =ضـيـاغـم في الهـوش والأشراف
والوايـلي عـامر سـراع عتـايره= اول نـدب ساق الحـصان شـظاف
و يانعـم يا ولدالكـبودي ناصـــر= يـسـتاهـل الـلي له ثـمان رهـاف
الجـودل اللـي كالقراطـيس خـدها= وقـرونـها لي جــا الجـلـيد لحـاف
وعبـــيد المنـعور طــعان بالقـنا =مـــا كـــنـــه الا بــيـنــا وقـــاف
وخذ بجــران من الربـع وابعــــده= حــــر بــدا فـــي عـــالي المشراف
حيث ان بجران ليا ضيـــــــقوا بنا= له بنـــدق مـــا خـانهــــا الشـــــواف
تفافيقنا تقعد عن الحد والقنا= وهـــوه مــا يقـــــعد صامل الميقاف
واللي بقواماقلت عن وصف فعلهم= لهــم من البيضــــــــــــا ذرا ولحــاف
حنا نطحنـا المنتفق قوم ابن ثامر= ظــفـــران مـــاصـــدوا لهم مـــحــراف
نطحناهــم بمخيرات تنثر الدمـــا= وعيال عــــــمـــر فعلهم ينـــــــشــاف
ولا كن جثاياالخيل في المعلب النضا= هـشــــيـم تــدريبــه الســيــول ا ردا ف
يا ضبعه بالزور عرجـًا رجلهـا= تـــرى لــك بيــن الروضتـــن جيــــاف
كله لعينا حــزب مـن جيشنا= ظــهـرنا منـها بالــوجيـه نــظــــــــاف
حــنا بني عمر سلالة عامـر= ربـع عـلى الكـــــايـد مـاهــم بخـفــاف
خمسين سيف علقن في حقبهم= ومصقــــــــلات مـــابـــهــن اغـــــــلاف
هرج بلا فعل يقودك على الردى= والـهـرج عـيـب كــــان فــيــه اخــلاف
تمت وصلى الله على سيد الملا= عــداد مــا حــج الـحــجــج وطـــــــــاف