قالت وش اسمك قلت يا بنت نواف=
=اسمٍ خفيف ودارجٍ للهواوي
يوم سلبت قلبي ونا فيه طواف=
=ولا شاقني شيٍ قصيدي مداوي
خوذيه قلبي يا حلا زين الأطياف=
=خوذي خفوقي وان تركتيه خاوي
ما ذقت طعم الحب مبطي بالأرياف=
=ماهز قلبي والمعاليق لآوي
ما همني طول الجدايل والأرداف=
=القلب مشغولٍ بحب الخلاوي
أرقى وحول بين طعس ومشراف=
=والا أتمشى لين حد الصداوي
يشد قلبي منظر النوق وقاف=
=ويطيب حالي لا حمست القهاوي
لينٍ عقلي جاله أجنون وخفاف=
=وصرت أتغنى يامخاليق هاوي
وأمسيت في ليلي أدندن على القاف=
=وجمع أبيات ألقصيده وساوي
صدقتك انك للمحبين ميلاف=
=وان الهوى في داخل الجوف كاوي
لين صفعت وجهي تصاريف وإجحاف=
=أثرك تسلى ياخوي الدهاوي
اببتعد عنك ولا نيب خواف=
=وبرجع الحبٍ قديمٍ مخاوي
حب الخلا مافيه زيفٍ ولا إسفاف=
=هاتي خفوقي ما لحبي مداوي