[مخايل الغربي]

المشاركة الأصلية كتبت بواسطة ابومحمد القباني

نيابة عن ابويزيد ولاعجابي بالأبيات استميحكم عذرا لوضعها في برواز وتنسيقها

الابيات الاولى من قصيدة رد بها الشيخ مخايل الغرب على احد شعراء الغريف حيث قال شاعر الغريف

ماعاش من يزعلك ياراس بالناس =ولا عاش من ضاهى معزتك عندي
قلت الحقيقه والحقيقه مع الناس= يشهدبها لاخفيت ياشيخ سدي
ولاهي غريبه راس قوم ولد راس= والى زعلتوا من يضد المضدي
لاباس ياابن العم لاباس لاباس =ارجوا السماح ومايصافيك ودي

فرد الغربي بهذه القصيده

يامرحبا بالخط من طيب الراس= ويامرحبابه من عزيز يودي
اهلن هلن به عد ماشق الانفاس= ومن بالحرم مطاف واللي معدي
انت الذي من طير حوران بالساس= وانت الذي عد فعولك تسدي
فرخ الحرار منتب ولد قرناس= يمناك في لطم الحباري تشدي
جانا جوابك يالبليهي بقرطاس= وردي عليك اليوم لابد بدي
من ينقل النمات بالناس بلاس= شيطان انس لا يجيب اويودي
ولاداخلن ياشيخ فيكم بوسواس= ولاادخل بهم يالذيب ليحان سدي
هذا وانا مااسمع لكوناولاواس= وابياتكم يالقرم جتني لحدي
ربعي سبيع متيهة كل عرماس =وربعك سبيع اللي تضد المضدي
اهل العبيه معسفة قحص الافراس= وخيالة الغلباء نهار التحدي
وكسابة للعز من فوق نوماس= وايضن ترى جيرانهم ماتشدي
والختمه صلوا عد ماهب نسناس= على الرسول المصطفى والمقدي

بسم الله الرحمن الرحيم
الموجب للاعاده تغيير بعض الحروف لخطا فيها وانت سالم والسلام