بسم الله الرحمن الرحيم
إخواني الأعزاء / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبعد : إليكم هذه الأبيات التي قالها أخوكم في مناسبات مختلفة عسى أن تحوز على رضاكم والأبيات تعبر عن نفسها :
أيا عاذلا اعتبر لا تلوم =أناسا تسير بحب الفساد
بريق الظهور يزيل الهموم =ويطرد عن مقلتيك السهاد
تسير حثيثا تريد النجوم= نجوم السماء عشقن العناد
وها نحن عنهم حوينا السلوم= بسبق مثيل لسبق الجياد
قهرنا الأعادي زرعنا الكلوم =بقلب عدو يريد التناد
وردنا عطاشا لكل العلوم= تسلحنا بالصبر نعم العتاد
صدرنا ندمدم بعض الثلوم =ثلوم هواها ضعاف العباد
أيا مبحرا وسط بحر ظلوم= تسلح بفلك حكيم القياد
وإلا ستلقى ولو لم تلوم= كما لاقى من قبلك قوم عاد
وإن جال فكر وفكر يحوم =ولم ترضى عنا لزمنا الحياد
قال الشاعر :
عقد الذهب وإن اندفن بالثرى بان = بعد السنين وساطع له تلاميع
وقال أخوكم :
يا سبيع ربي خلقني حر = أسير وأخاير دروبي
وأبعد على كل نقد مر = عن المعيبه وعذروبي
الصق يا قالة بتجر = عليّ نكد وماجوبي
والله لا أورد عطاش الحر = بفعل ولا يقال مكذوبي
بيوم على هامته ما مر = يوم الطنا زام من ثوبي
وقال أخوكم :
ألا يا حيف يا نار (ن) كوتني من عريب الجد=هموم تصدر وتارد وفي قلبي لواهيبه
زميل الفار في فعله يحفر الساس ومعه الهد=يهدم سيد الحيطان ولو كثرت لواليبه
عساه لذل ما ينساه حزين مع سواد الخد=عساه لدين يغرق به نهار وليل يهذري به
لعله يشغله عني خشيف الريم صخيف القد=كلامه دايم عني وكلام الزور مالي به
تجنب لابتي يالهيس ترى منتب لربعي ند=علوم الطيب لي عاده مني مثلك أماري به
أهلنا وإن سالت منين أوردهم إلى جاء الجد=أبوي كويّـر الغلباء عطيبات مضاريبه
وأنا لك يا ردي الحظ بقطع الدرب وأيضا السد=أسد دروب حسادي ودرب العز أنادي به
وقال أخوكم :
لا وربي طالبك تدرى الشمات = واستمع قاف المعنّى يا فهيم
قال من هو يبغي الحق الثبات = المراجل ما يحوزنه حريم
يا حسايف تربية ظبي الفلاة = وهقنه وجعلنه لي غريم
دهورنه وأغرقنه بالحياة = وأودعنه طلي محنى فطيم
والذي ضري المراجل ما يبات = تحت رحمة جاهل غر غشيم
ما نلاحق مقفي عنا وفات = نتركه لليل الأظلم والصريم
الليالي دوبحن له ذا ثبات = يا حسايف خطبهم خطب جسيم
وقال أخوكم :
يا سهيل أنا أبكتب من الخط تذكار = قاف ورى قاف بليا تحيه
قاف يبي يظهر لك اليوم بإصرار = خبث النوايا والعلوم الرديه
حيثك صليت الكبد في واهج النار = نار كوتني مار ماني هميه
الجاه يا مسكين مع حشمة الجار = هو راس مالي لو رأيت المنيه
وما ينتخي للجاه يا كود بيطار = حر معرب من رجال الحميه
ترى التواضع يا عديمين الأشوار = ما هو رداة تعتبر بالدنيه
الرزق يالمقرود من وال الاقدار = قد قدره مولاك رب البريه
قد قدره مولاك في كل الأطوار = بالضعف والقوه على كل نيه
والهيس يالنمرود لا بد عمار = بيت النمل بيديه هو والخطيه
يا شيخ يا شخ شيخ يا مدعي كار = كارك مع اللي يلبسن الغطيه
والخيل هانوها على مربط حمار = عقب الشبيلي بالحبال البليه
وقال أخوكم :
ما أدري علامك تحث السير=يالقين كنك عرب ساتي
الله لا يجزى هلك بالخير=ما عودوك التثباتي
تريدنا يالعين الصير=نسكت لكم يالعلاقاتي
حنا هل المرجله يالعير=وإلا أنت يم الخرافاتي
حنا هل الحل والتقرير=رجال كود وقالاتي
وأنت ضعيف وولد صغير=بالقدر ما هي سنواتي
هذي لحاكم شواها الكير=من ساسكم بالصناعاتي
حداد فينا ولا بك خير=حمار وحمارك إثباتي
والبوم كرم ببرقع طير=والحر همل براماتي
وأنا لكم ناصح ومشير=لا تدعون المرواتي
يالله رجيتك ولا أرجوا غير=الستر منك وسلاماتي
وقال أخوكم :
أول قولي بسم الله= رب البيت ورب الجاه
وأثنيه برجوى الإله= غفار الذنب الرحمن
من بعده ثولثت القول= باللي ما قال المعقول
ولد عبد الدايم بطول =خلط بالنتن الريحان
ولد العنقاء ما جيناه= وفي حقه ما ظلمناه
ولا يوم خاصمناه= بتقليب علوم الشيبان
في قصيده راس اللوم= لا بالبيع ولا بالسوم
بدّع قاف فيه الشوم= من زينه ما به نقصان
إلا خلط الذيل براس= مثل الحواء بالبسباس
لبّس شئ به مساس= مثل تلبيس الشيطان
يقول إنه ولد أمير= وأقول هذا ما يصير
قول بشهود وتعبير= الإماره بكحيلان
أبو شعيفان العديم= لعزوان الغلباء زعيم
راع المعطا يا غشيم =مضافه ما له بيبان
ذيب يفرس باّياديه= ما يتنى من يعشيه
واللي مثلك ما يؤويه= إلا خباري ماوان
وكل اّل الغلباء أسود= إلا أنت حبارى نفود
دايم طبعك فيه لهود= من فعل عيال الشيخان
ما عرفوا جدك وأبوك= ولأهلهم ما ضموك
منكرينك ومسحوك =من عهد فيه الجدان
وصية كبار لصغار= كاتيمينه بالأسرار
علم معروف قد صار =عند ابن الكويري شعيفان
عيال عمك بالشمال =مرجعكم عند ابن رمال
ما أنتمب لجدي بعيال =وبعلمك هذا غلطان
حنا ديرتنا معروفه =الحاير يا زين وصوفه
غينه بالوادي مصفوفه= يرجى به فضل المنان
ما شريت أرضه بفلوس= ولا دار ابها الجاسوس
خذوها بشلع الروس= من متونه سل قروان
العزه ربعي عمروها =وبقلوب صمع حاموها
أهل المثلوثه اغرسوها =بظهرتها والطمان
القهوه فيها بريه =قطفة موسمها نقيه
واعذوق التمر العذيه= نقلطها للضيفان
ويقلط معها الضمين =الضان الحايل سمين
ميسور ذربين اليمين= بني عمر الظفران
وشيخة ربعي في فلاح= قيدوم زحول الكفاح
راع الغلباء والرماح =والفرنجي شيشخان
ابن جفران الحميد =بالشيخه ما له ضديد
ظني قلبه من حديد= وربعه عز للجيران
أبو سعد ما أحلاه= سكر نبات جناه
لضيوفه دايم عشاه= كوم مراديم سمان
ولابة الشيخ أواليد =يشيبون الوليد
لا جاء نهار الوعيد =مقدم أشخاص الفرسان
سل عنهم لا جت بالكيد =شمر مع ابن رشيد
صيدة ربعي عز الصيد =قلع الخيل من الشجعان
وسل عنهم جمع الأتراك =وردوهم للأدراك
في يوم ما به فكاك= ذولا ربعي بالميدان
وذيدان العزه بسبيع =ما جمعوها بالبيع
وارثينه تتابيع =ومقياضها في بنبان
واّبار العزه معروفه =خذ نثايلها بوصوفه
ما عقب الحوطه وجروفه= لأقصى فياض الصمان
وهذا زمان محتاس= يرث بالنفس الوسواس
أبشر يا نايد الناس= بالصدودا والهجران
مدحت رجال بالصيت= نصف حي ونصف ميت
ما هم مثلك عكاريت =عقب سبك يا فسقان
واللي يدين ويتدين= ترى عيبه لك تبين
وإن كان تقدر لا تلين= مد سبوقك يا حميدان
وختامه مني نصيحه= أقدمها لك صريحه
ترى فعلك ذا فضيحه= تنسب نفسك للسبعان
وأنتم سالمون وغانمون والسلام .