[جزل العطايا]

يقول من جاله علـى الشعـر ميـراد=ورد الحيام اللـي عـن المـا تـذادي
وليا أقرعت في الصدر مهيـب تنـذاد=هذيـك نقهرهـا والأخـرى تـقـادي
وعن غير يمه عـوس مهيـب تنقـاد=تقطـع مصاريـع الرسـن بالايـادي
وللمرشد أسمـع واتحـرى للارشـاد=ولا كل مـن يرشـد يـدل الرشـادي
ومن لاخذا عبره من الوقت مـا فـاد=يروح عمـره شايـب مـا استفـادي
وانا ليـا جتنـي هواجيسـي اضمـاد=بيحـت مكنـون الضميـر الحشـادي
كنـه يجاوبنـي ليـا انحيـت نشـاد=يا الله داعي خيـر يـا للـي تنـادي
من هاجسً في الصدر سرداد مـرداد=حرك علـي عمـدان تهـم الجـرادي
ولا احلى من المعنى على الدال والضاد=قـول يعبـر والمثـايـل جــدادي
ولا تنتعبـر قصـة مالهـا اسـنـاد=ولا حكـم للـي مـا عليـه استنـادي
ولا ينتغالـط بيـن شعبـان وجمـاد=شعبان وضعه يختلف عـن جمـادي
وجعل الحيا لا جا من الغـرب منقـاد=يسقي وطن عـزوة قصيـر المهـادي
ديرة سبيـع أهـل النفايـل والامجـاد=عز الصديق وكسـر عـز المعـادي
بنـي عمـر لا قيـل رده ومـعـواد=وألاد عامـر مقحمـيـن الـطـرادي
باذكـر قليـل مـن كثيـر بالافنـاد=وهذا الدليـل اللـي عليـه اعتمـادي
تاريخنا ابيض من ثمـود ومـن عـاد=بالامـن والا فـي سبيـل الجهـادي
والعشر منـا هـي واهلهـا بالاعـداد=من معجزات العصر عشـر عـدادي
نقره سنام اللـي علـى حـد بغـداد=فيها عمـار اهـل الركايـب تقـادي
وأما السبية جت علـى زنـد وزنـاد=ولا زانت الا عقب ضـرب الركـادي
تخطيط شيـخً تعرفـه كـل الاجـواد=عساف شيـخ سبيـع سمـح المبـادي
شيـخ القبيلـه دون شـك وتــرداد=وعقـادة تتعـب غـزال الـشـدادي
وكـم شيـخ قـوم لا نوانـا بمهجـاد=سلايـل الغلـبـا لـعـزه نـفـادي
ويعتز من حنـا لـه اعـوان واحفـاد=وللـي يعادينـا نـغـزل القـيـادي
ولنـا بكـون .... كــون معـتـاد=اكبر وهي لـه عندنـا شـي عـادي
الله يرحـم شايـب تحـت الالـحـاد=عجـران فـي قولـه يـدل القـوادي
.... اللي جت علـى حمـر الانفـاد=عنـد البكـار ومقرعـات الـتـوادي
بنـي فهيـد شهودهـا جوهـم عنـاد=وارخوا الاعنه قـدم وجـه الجـرادي
وهـيـة.... تشـيـب بـــالاولاد=بيـن الفتايـل والنمـش والهـنـادي
ومن لا يصيد الناس مهـوب ينصـاد=وانـا الفـدا نصيـد والا نـصـادي
ومثـل المسمـى..... وعلـوم بعـاد=ويطـول شـرح السالفـه بامتـدادي
سوالـف غنـا بهـا كـل قـصـاد=وابـن شليـه قالهـا لابـن..........
لاخـان فينـا خايـن يقشـع الشـاد=عليـه منـا كسـر عـز وســوادي
وفي شيخنا علي المجـدع لنـا اكـاد=وعيب على اللي مـا بقولـه وكـادي
الاد العزيزي ميبسـة سـود الاكبـاد=والاد جابـر لا حـدا كـل حــادي
مـا عـاد رد العـلـم للـقـوم رداد=تسعيـن لحيـه جـو عشـا للحنـادي
وامن اعترض ما بين سايـم وحـداد=حنـا نـزاود فيـه يـوم الـمـزادي
وننـزل بـلا منـة حامـد وحـمـاد=ويشوفنـا بالعيـن دنـس الثـنـادي
رام العوافـي عـقـب ذاك التـهـداد=وان شـاف مالـه دورشـد الحيـادي
وليـا بلانـا شـر ...... وعــواد=ماللعـدا الا نطـح وجـه الـعـوادي
والغيض منـه الضيـم والا التصـداد=وقهر الرجال اكبـر حيـاة الزهـادي
والتصفيه من عقب تسديـد الاقصـاد=والعلـم واحــد والــدوادي دوادي
حريبنـا مـا يهتنـي باكـل ورقـاد=ويضيق بـه منـا وسيـع الحمـادي
مثل ..... اللي حصـل فيـه جـلاد=لولاه طمعـت فـي وطنـا البـوادي
وكم عجـة كدربهـا كـون وطـراد=لاحركـت خشـم الفتيـل الـزنـادي
ومـثـل..... فعلـنـا بالـعـدا زاد=بـلا علـى العـزة بشـد العضـادي
وكم فارس لا قبـل ولاهـوب حـواد=نرميه عنهـا لا قبلـت بـه تـرادي
لادنـدن المـا والحمـر بيـن الاذواد=يا ما طرحنا مـن شجـاع وجـوادي
وحنا هل الحاير هل الغـرس وشـداد=وليـا غضبنـا يمتلـي كــل وادي
هذي بروج ....... في روس الارجاد=مـا نتقـي فـي حـر والا بــرادي
فالديـرة اللـي مالنـا غيرهـا ابـلاد=اقـدم بلـد لسبـيـع ذاك الـبـلادي
ملك لنا بالسيف من عصـر الاجـداد=ومن دونها ما نستمـع قـول عـادي
........ننحاهـا ورا حـد الاكــراد=ومن جا يبي الحاير هله لـه عفـادي
........يـوم امتلـت كبـده احقـاد=حطت يمينه تحـت راسـه وسـادي
من ضرب اخوقوت هجد كـل حشـاد=ابـن شبيـب اللـي علومـه بعـادي
اما حصل فعل علـى روس الاشهـاد=والله يلـومـك يالذلـيـل الـربـادي
واللـي مقيـم مقيـم ويشـد شــداد=ولا للحبيـب مـن الحبيـب انفـرادي
حب الوطن يجري مـع الـدم والـزاد=والعين مـن دونـه تعيـف الرقـادي
دار بهـا للجـار ملـجـا ومقـعـاد=واللي مـن اقرابـه حدتـه الحـوادي
منا ومعنا مـا نـوى قشـع الاوتـاد=كنـه ولـد عـم وبقـران حــادي
واللي قصيـره شايـف منـه الانكـاد=يصبر ليـا لحقـه بعـض الانتقـادي
حيث السوالـف فيـه دراس وجـداد=ويقصر من الفنجـال خثـر القنـادي
والشـكـر لله والثـنـا والتـحـمـاد=ولا نيب ناسي فضـل رب العبـادي