[البحر الأحمر]

[ [frame="1 90"]

بسم الله الرحمن الرحيم
هذه قصيدة في مدح الشيخ العقيد/ عبدالله بن حسين بن جازع العمري
شكراً له على جمايله مع الرجال التي تنومس القبيلة جميعاً جمل الله حاله

يا مسوي البن الأشقرنطع بهاره = و بالعود و المستكا طيب فناجيله
وصبه لبن جازع اللي شاعت اخباره= عبدالله اللي شهر بالطيب مع جيله
المدح في الجازعي يطول مشواره = رجل الوفا ياهبوب المجد هبيله
حفيد قوم لهم بالطيب تذكاره = ميزانهم فوق غيره وافيٍ كيله
على يمينه حسين و ناصر يساره = و حمد على قمة المشراف يوميله
أجداده مثبتين الساس لجداره = ساسه قوي مابنوله عش تضليله
رجالهم لو لحاله ينطح الغاره = و مثل الجبل من رقابه زبن دخيله
لا جا نهارا تثور عجة اغباره = نطاحة الجمع لا شتبت مفاتيله
وحسين من طيب حظه ما طفت ناره = هذاه عبد الله لماضيه تكميله
حرٍ تعلى على المشراف موكاره = حفيد وأبٍ وجد منورٍ ليله
طيبن على طيب أقوله صدق و جهاره = و اللي مكذب يحط أكبر معاديله
جيلٍ بعد جيل كلٍ يأخذ أدواره = هذا سنافي و ابن عمه يباريله
من يزرع الورد يجني طيب اثماره = كلٍ على ما زرع يجني محاصيله
و تعيش ياللي لربعه كنز وتجاره = المدح لا جا مجاله فيك نشفيله
طيبه لنا طيب و نقدر لمقداره = و من حشمته كنه علينا تاجٍ نشيله
و الله ما ني بدور ربع ديناره = الا الولد يا عسى يأمر بتسجيله
فزعة قلم يوم غيره كثر أعذاره = و الناس فيهم كريم ا لجاه و بخيله
المدح في الجازعي يطول مشواره = رجل الوفا يا هبوب المجد هبيله
الشاعر عايض بن محمدلغثيمي المدارية السبيعي

[/frame]