قال الشاعر الشيخ عجران بن شرفي
حتيش يابن فهيد لو ناض كشاف= بارق خريف يم دار مصده
عسى الحيا يسقي لنا وادي الغاف= ومن روضة التنهاة لخريم حده
عساه ياعيد النضى غب الانكاف= عساه يسقي المربع اللي نوده
حدر على الصمان للبرق رفراف =لابكر الوسمي على مستعده
المربع اللي تدهله سمر الاشعاف= قدامها الصقار طيره يهده
ياما حلا العشب فالقفر لا زاف =وجني الزبيدي في عذى كل خده
دار لنا فيها مقيض ومصياف= ومشتى ومرباع وكل نضده
دار وليناها بضرب بالاسياف =يوم ان كل حامي ورث جده
منها العتيبي نرفعه فوق قطاف= والدوسري عنها جنوب نحده
وراكان عنها نقلعه يم الاسياف =والا المطيري عارف راس حده
لاجاء نهار فيه زوغات الاسلاف =ثم كل بد قام يظهر لبده
لي لابة ركبوا على كل مزغاف= وتحيزموا من فوقهن بالاعده
ياجاهل في لابتي منت عراف= حريبهم يمسي وكبده مضده
كم شيخ قوم لانوى الله له اتلاف= من ضرب ربعي ياكل الرمل خده
هذا ما وجدت منها وانت سالم والسلام