[العاتبي]

يالله يامغني الفقارى الهلاليك = المستحين وكاملين القضايب
هبب هبوب الحض عقب التلاكيك = يا الله لاتقصف علينا النوايب
لاصككو بيبانهم باالمصاكيك = حنا تنصانا امهات الجنايب
نثني لهم ترحيبت(ن)قبل تشكيك = حتى تهيض اصدورهم بالعجايب
ونثني لهم باللي شحمها مواديك = وحتى ولو قالو ثمنها غلايب
يوم(ن) خطوات الولد كنها الديك = خايب وعشاقه من البيض خايب

ومناسبة هذه القصيده

كان سعد بن عبدالله هو وذعار بن فراج السودة جيران فنزل عليهم جماعه من
ال دايود من الجنوب وكان الدايوديه راكبهم الدهر ولا معهم زاد ولا في دبشهم لبن
وكان مع سعد وذعار ابل وغنم وكل ليل يعشون الدايوديه شاه حتى رد الله لهم بالحياء وقد باحت الغنم من ذعار وسعد وقالو الدايوديه حنا اليوم ردالله لنا بالحيا ونتم مشكورين علىكل حال وما فعلتو الا الطيب وشدو لديارهم