[ثواب زيدالحارثي]

	هذه المساجله جرت بيني وبين الشاعرالمعروف \سلطان بن منصور ابوثنين واتمنى ان تنال اعجاب الجميع\ ويقول الشاعرسلطان بن منصور\ ------------------------------------------------- بعطيك يا محــــــــمد بيوتٍ من الراس = وابغاك توصـــــــــــــــلها لذيك الحراوي وأنا تخيّرتك علـــــــــــــــى باقي الناس = حيث أن وصفــــــك مثل وصف النداوي عزام جزامٍ وكــــــــــــــــــساب نوماس = ولا انته من اللــــــي يجمعون الحكاوي بكتب لك الأبــــــيات في وسط قرطاس = و خذها وســــــــــــــــلمها بعيد الهقاوي وخبّر ثواب أنــــــــــي من الحب منحاس = وأني علـــــــــى شوف الولايف شفاوي قدلي ثمان شـــــــــــهور بالهم غطاس = قطعتها بين الرجــــــــــــــــــــا والمناوي متحيرٍ وأمشــــــــــي على غير مقياس = وبين العرب كنـــــــــــــــي وحيدٍ خلاوي ويروغ قلبي كل ما هـــــــــــــب نسناس = ومع يمة الغربي نســـــــــوق الخطاوي على الذي لــــه كل شعري والإحساس = والقلب من بــــــــــــــعده يزيد الشكاوي غضٍ حســــــين الوصف ما مثله أجناس = ولاله شبــــــــــــــــيه بلابسات الغطاوي له في ضـــميري قدر مبني على ساس = ما ينتــــــــــــــــــــــــبدل لو تزيد الدعاوي ولي قصــــــــــــــةٍ سجلتها بين الاقواس = ما ســـــــــجلت ضمن القصص والحجاوي روّحــــــــــــــــــت سوّاحٍ وعوّدت عساس = وأخــــــــــــــــذت مده والطريق امتساوي حتــــــى ظهرلي شخص ما يعرف الياس = وأصــــــــــــــــــــبح عليّه من كبار البلاوي (ملعون ) ساس ولا يجي له على ساس = يمشي بدرب السو والقـــــــــــــلب غاوي لامن قفانــــــــــــــــي صار واشي وبلاس = ولامــــــــــــــــــن لقيته جاه طبعٍ سحاوي قــــــــــــــــــلبه ملاه الغل بالشر محتاس = حــــــــــــــــــيث المرض لا زاد ماله مداوي خـــــــــــــطّط وحاس الوضع ثم حط ترباس = وجــــــــــــتنا المصايب مع جميع النحاوي عــــــــــــــــرضت لي فكره ودقّن الاجراس = وأرســــــــــــــــــلتها للي على الرد قاوي ثـــــــــــــــــواب خل العلم ما بين الاقواس = وحنا على مثلك نسوق العزاوي ------------------------------------------------------ شعر\سلطان بن منصور ابوثنين

رد\ثواب بن زيد يقول\

	خطٍ لفــــــــــــــاني دق فالبال هوجاس =خطٍ على جــــــــــــــــزل التماثيل حاوي تعبير من شـــــــــــعره على ميز وقياس =شاعر عن التـــــــــــــــعريف دايم غناوي الصاحب اللـــــــــي ما وطا درب الادناس =يمشي علـــــــــــــى درب الوفا ما يراوي يا نسل من تـــــــركب على قب الافراس =ويوم الملاقا يبعــــــــــــــــــــدون الحراوي جعلك يابو منـــــــــصور تسلم من البــاس =بعَد طوى قلبك من الود طـــــــــــــــــاوي حتى هجوسك راحت أخماس وأسـداس =والكل منا ياالســـــــــــــــــــبيعي هـواوي تشكي وأنا اشـــــــكي والمعاليق يبــاس =وقبلك لوانـــــــــــــي من هوى الزين لاوي اللي مظاليــــــــــــــــــــــلٍ عيونه ونعّاس =ويلبس على الـــــــلون المشجّر سماوي شربت من مــــــــــــــر المحبة مية كاس =أداري المعلــــــــــــــــــوق واجرح واداوي كن الحشا مضــــــروب من رمح جسّاس =ولا برمحٍ من بخـــــــــــــــــــــيت العطاوي صاب الخـــــــفوق ولامس الكهرب الماس =يومه تمثنا بــــــــــــــــــين الاضلاع هـاوي ماتدري ان الحب كتام الانفاس = ماهوب لايرحم ولاهوب ياوي يالعاشق اللي مادخل عينك انعاس =كان شقي فالحب غيرك شقاوي ودرب الخطر لجل المواليف ينداس=والعمر من دون الغضي وش يساوي ياصاحبي كب الاراذل والانجاس=اهل الحكي والقيل واهل الهزاوي تر وتر سلم المحبين حساس=لاينقطع والحبل خله رهاوي وان كان دون الخل بابن وحراس=خلك كما اللي فالمراقيب عاوي واصبر على عض النواجد والاضراس = وينقذك رزاق البدو والشواوي ومثلك يعرف العلم ياطير قرناس=ومحدن يحصل حاجته بالمناوي وليا صفا صاحبك مدقوق الالعاس=نلبسك ياسلطان بشتن حساوي __________________ شعر\ثواب زيد الحارثي