قال الذي يبـدع ابيـوت منقـاه=عنوانها ربعـي شيـوخ القبيلـه
لطامت العايـل علـى ماتهقـواه=من هقوته يـا نـاس ياعزتيلـه
خيالهم يوطى الجمـوع المسمـاه=لاشافه الخيـال ضيـع حصيلـه
حريبهم يبطي على قـول عـزاه=حي ويموت ولاتقاضـى غليلـه
الاد مجفـل ساسهـم لاعدمنـاه=رؤس الشيوخ اللي تسوق الجزيله
مسلم ولد مجفل على الطيب مرساه=شيخ وشجاع وصعب نلقى بديلـه
ريف على الطيب علـى ماتمنـاه=سـم العـدو لاضيـع الله دليلـه
وابن سميـه قدمـه فعـل يمنـاه=كم شيخ قوم لاذكـر لـه يجيلـه
يورد حياض الموت شيال شلفـاه=ولايرجع الا بالمهـار الاصيلـه
وصامل ذراه وعزهم عز ملفـاه=حموا حماهم بالسيـوف الصقيلـه
الاد صامل منبع الجـود والجـاه=قصيرهـم حلـو النبـا يرتكيلـه
يعيش عيشة عز والضيق يجفـاه=ويبقى سعيد لين ينـوي رحيلـه
وسعود مجفل عزنـا لانصينـاه=حلحيل ماقد خاب مـن يشتكيلـه
ابو فيصل لحب ربعـه عرفنـاه=سعود السعد يشفي القلوب العليلـه
وفالح ولد فيصل جـزال نوايـاه=درع لربعـه كاسـب للنفيـلـه
ومحمد اللي يرفع الراس طريـاه=من هيبته ترضخ لـه المستحيلـه
غدا لبوه اللي على الصعب مغزاه=الصعـب قدامـه لـزوم يزيلـه
مرحوم ياخالد عسى الخلد مثـواه=في جنة الفـردوس والله وكيلـه
وخالد ابن مفرج ينومسك ممشـاه=لاضاقت الحيلات يفـرح دخيلـه
وفلاح ابن مفرج مراجله ترفـاه=حب الرفيق وعز مـن يعتزيلـه
يقوم معك ولـو ماقمـت تنخـاه=سباق في درب العلـوم الجميلـه
وسمي مجفل بالمواجيـب تلقـاه=شيوخ الجمايل واليمانـي طويلـه
فعالة المعروف ماهـي مباهـاه=رجالهم شـال الحمـول الثقيلـه
وباقي شيوخ سبيع كل حمى مـاه=في نجد والوديان وايضا المسيلـه
خيالهم شلفـاه ماتخطـي اعـداه=يوم المبـارز والسنيـن المحيلـه
هذي فعول سبيع ماهـي مغبـاه=من جزلها ماذكـر فيهـا هزيلـه
وباقي القبائـل فعلهـا مانسينـاه=كل خـذا حقـه بوقتـه وجيلـه
وصلاة ربي عد حـرف كتبنـاه=عـلـى نـبـي كلنانهتـديـلـه
وسـلامــتــكــم جــمــيــعــا