عــزاه يــا قـلـب همـومـه ثقيـلـة=شاخـت علـيـه وفتـحـن المصـاريـع
تجـاولـت بـيـن الظـلـوع النحـيـلـة=تطـرق بصـدري مثـل طـرق الصنانيـع
مـن جـاه مثلـي ياعـرب عزتـي لــه =لحـقـه بـهـزات الضمـايـر توابـيـع
لاشـك عـيـا الـهـم يخـلـي سبيـلـه= واركـا عليـه مـن الليـلـي صوافـيـع
لـو حيـل ماينـحـال ياكـيـف احيـلـه= مـادام لـه وصـط الضمـايـر منابـيـع
قـمـت أتـعـوذ وألـحـقـه بتهلـيـلـه=يالله عسـى همـي يجـي لـه شوالـيـع
ويـا علهـا تشفـي الـصـدور العليـلـة=ترتـاح مـع ذكـر الـولـي الروابـيـع
ولاشـك قـول الشعـر عنـدي وسيـلـه= يبـرد ضميـر صـار وسـطـه ولالـيـع
لاجيـت بابنـي فالبيـوت الـجـز يـلـه= القـاف جانـي خاضـع الـراس ومطيـع
بــدع المعـانـي ماتـجـي مستحيـلـة=ملكتهـا واشـري مـن الفـكـر وابـيـع
لوكـأن مـدح النفـس عـيـب وفشيـلـه= قــول بلياثـبـت هــرج وتصـانـيـع
لـكـن كــل عــارف وش حصـيـلـة=احـدٍ يصيـد الظبـي واحــد جرابـيـع
واحـدٍ علـى قـطـع الفيـافـي دلليـلـه= واحـدٍ بـداره ينشـد الـربـع ويضـيـع
قـال المـثـل مــلا يعـبـي صميـلـه= فالمقطـعـه مـافـاد عــض الاصابـيـع
ومن لا يحسـب النـاس مـا تحتسـي لـه= والـهـرج مابـنـا بـيـوت ومشـاريـع
وأمـس الضحـى عديـت عيطـن طويلـة=مـن جـر صوتـه مايجـي لـه سواميـع
بيـن الحـصـان وبـيـن وادي حويـلـه= يوم ان شمس الصبح بانت مع الريع))(1) ))
بـارض خـلا علـه مـن الوسـم سيلـه= نبـتـه تخـالـط والزبـيـدي مصالـيـع
قـمـت أتفـكـر كــل جـيـل وجيـلـه= واسترسلـت نفسـي بفتـح المواضـيـع
لـو كـان دمـع العيـن طـفـح شليـلـه= لـو جيـت ارده يشبـه الشمـع ويمـيـع
يغشـاه مثـل الـجـم ويطـيـح حيـلـه= كنـه شـرب سـم الافـاعـي قراطـيـع
مـا حـدنـي يـاكـود حـبـي لجيـلـه= واحـب شــوف ديـارهـا والمرابـيـع
تبكي على اهـل الطيـب واهـل الجميلـة=اهـل الكـرم نسـل الحـرار الطوالـيـع
امـسـت منازلـهـم خــراب امهيـلـه= عقـب الونـس صـارت اخلـي بلاقـيـع
يـا دار ويـن أهـل الفـعـول الجليـلـة=يـوم ان ولــد الاش عـنـد الفـراريـع
رجالهـم مـا طــاع هــرج الحليـلـه=ولا هـم فـي رزق الضعـيـف طمامـيـع
علـى قصيـر البيـت مـاصـار عيـلـه=ولا خضعـو يـوم الشـوارب خواضـيـع
حيـات مثـل (( )) ويــش هــي لــه=لا عـد مـن فزعـه ولا مــن فـراريـع
وانـا اعـرف ان الوقـت مايستـوي لـه=وان نـام نـومـه يالجمـاعـه تقاطـيـع
والله جعـل للـرجـل عــرق وفصيـلـة=لاشــك جتـنـي فالضمـايـر دوافـيـع
وابفتـخـر فــي لابـتـي والقبيـلـة =-يحـق لـي لاصـرت رجـل مـن سبيـع
اهــل الفـعـول الوافـيـات الجزيـلـه=إلـي سنـام المـجـد عــدو مطالـيـع
أمجـادنـا مـهـيـب يـــوم ولـيـلـه=ولاتنحـسـب بـشـهـور ولابسـابـيـع
مـن شعـب جبلـه عهـد ماضـي رعيلـه=نـسـل لعـامـر مبعـديـن المـرامـيـع
ويشهـد لنـا وقـت التـفـق والفتيـلـه=وحـد الرهـاف الحاسـمـات القواطـيـع
نـجـد سـكـنـاه سـنـيـن مهـيـلـه=بأيمـانـا غـصـب ولابــه شـوافـيـع
حـنـا الـرجـال امحصلـيـن النفيـلـه=وحنـا ستـر مـن يلبـسـن الـدراريـع
وحنـا كـمـا سـيـل تـحـدر مسيـلـه=واحنـا الـرجـال امبعـديـن المخـاويـع
ريـف الضعيـف الـي عزومـه قليـلـة=لابـاح سـد اهــل الــردا والدنانـيـع
نـجـود لاشـحـت كـفـوف بخـيـلـه=ونـعـف لازادة هـــروج القـراقـيـع
فـي حقنـا مـاصـار هــزل وهزيـلـه=لاشـك دونـه مثـل صـلـب المـداريـع
ولــي يــدور منعـطـف وتحـويـلـه=ماعـنـدا يـاكـود سـيـف وتشـنـيـع
ألاش مــا يـبـرد علـيـنـا غلـيـلـه=واهل الاشاعـة خيـر لـو هرجهـا شيـع
خلـه يريـح فــي البـيـوت الضليـلـه=ومـن القهـر تطبـع علـيـه الطوابـيـع
ماهمـنـا راعــي الــردى والرذيـلـه=الــي حيـاتـه فالـبـلا والمـهـازيـع
ماينحسـد يـا كـود راعــي الفضيـلـه=والـرزق عنـد الـرب وزعـه تـوزيـع
فـي وصـط جوفـه مثـل حـر المليـلـة=يجـي بصـدرة مـن قهـرهـا تقـاريـع
تمـت وصـلـو عــد وبــل المخيـلـة=عـلا الـذي للخلـق مـرسـل وشفـيـع
حبيت
اقدم شكري وتقديري للشاعر
وحبيت انسقها لجمالها وحسن معانيها
تحياتي
ابو عزوز