ياقصيبي لو سمحت وباختصـــــار= قول وش قدم نظام الســعوده
عـند مكتبكم طوابير انتــــــظـــــار= كـل يـوم اعدادها متزايـــــده
لاتقول ان المهـن تبغي اختبـــــــار= ويشترط خبره سنين محــدده
ومن نجـح يبقي عليه الاختبـــــــار= والوظيفه بعـد عامين ابيــــده
البطالـه فـي تزايد وانتـظـــــــــــار= والمطالب والشروط معقـــده
حلـها واضح ولايبقـي قـــــــــــرار= ابعدوا عنـا العماله الوافــــده
وانا بحكي قصتي لـك با عتبـــــــار= الكلام اللي براسي باســـرده
كنت قـبل العام بايـع للخضـــــــــار= اشتري وابيع دون الفائـــــده
المحـل مترين والايـجار نــــــــــار= والبضاعه كل يوم فاســــــده
الطماطم خاس واعدم لي الخيـــــار= والبصل والثوم بيعه منكـــده
والزبائن عـند جاويـد افتخــــــــــار= جاري الهندي تجيه وتقصـده
ما بقي غيـر المرايا بالجـــــــــــدار= والمكيف والخشب والمنضده
قلت افكر أشتغل تكسي مطــــــــار= نحمـد الله المـهن متعـــــــدده
وابتديت الشغل من بعد الفطـــــــار= وانتهيت الليل بعـد الواحـــده
منتحل شخصيه الهندي كومـــــــار= الشنب محلوق والراس افرده
والسبب اني سعودي ابن الديــــــار= حظي ماهو حظ هندي اسعده
ضايقونا من يمين ومن يســــــــــار= لعنبو شغل الشوارع محســده
الخصوصي يشتغل وضح النهــــار= لارقيب ولا مرور ايطـــارده
ولواصادف حرمه تحذفني بــحجار= كنني أبليس فوق المقـــــــعده
وجمعت المال من بعد اللي صـــار= ويا حسافه يوم قمت اعــــدده
مـا يكفيني مصاريف الصـغـــــــار= والديـون اللي بعقلي شـــارده
والفواتير والمعيـشه والايــــــــجار= والعقـل باقي قليل ونفقـــــــده
ويا قصيبي لو سمحت وبا ختصـار= ابعدوا عنا العماله الوافــــــده