[المعنا]

يـقــول الـلــي بـرســم القـافـيـات = يصوغ القاف صـوغ مجوهـرات
إلــى مـنـه بـغــا نـظــم القـصـيـد =فـــلا يـخـتـار غــيــر الـطـيـبـات
تـنـقـا مـــن نـظـيـفـات الـلـحــون = علـى كيـفـه مــن الـقـاف كلـمـات
محـاريـف القـوافـي لــو تعـصـت = أصخرهـا ولــو هــي عاصـيـات
تـخـيـرت الـكــلام الــلــي يـفـيــد = وجـنــبــت الـعــلــوم الـتـافـهــات
وأنــا قـاسـيـت شـــدات الـزمــان = وذقـــت أمــرارهــا والـحـالـيـات
ومـن قاسـى علـى الدنـيـا شـدايـد =يـفـيـد ويستـفـيـد مـــن الـحـيــات
وأنــا مـانـي بـقـول انــي خـبـيـر = ولانـــي بـــا أدعـــي بـمـقــولات
درسـت مـن المعرفـه مــا تيـسـر = وصرت أعرف علوم ٍ موجـزات
وعشـت مــن الحـيـاة الله واعـلـم =عن اللـي مـن سنيـن العمـر فـات
عـرفـت أطــوار نـيـات الـرجـال =وشـفـت أسـرارهــا المتخـالـفـات
ومـيـزت الرفـيـع مــن الـوضـيـع = وقـلــت الـحــق والـعـلـم الـثـبـات
ترى في الناس من يجلى الهمـوم =عــن المضـيـوم عـنــد النـايـبـات
يسـد الـنـوب مــن كــل النـواحـي = ويــركــي لـلـحـمـول الـكـايــدات
عـزيـز النـفـس لــو مـالـه قـلـيـل = ايـديـنــه بـالـوفــا مـسـتـاصــلات
عـزيـز النـفـس لــو مـالـه قـلـيـل = احــبــالـــه لــلــمــكــارم واردات
عـزيـز النـفـس لــو مـالـه قـلـيـل = اشـبــوره لـلـمـراجـل طــايــلات
ولا ظنـيـت بـــه ظـــن ٍ بـطـيـب = تشـوف رســوم ظـنـك راسـيـات
وليـمـنـك نـخـيـتـه فــــي لــــزوم = بـذل لـك فـي قـضـاه المعـجـزات
وليمـنـك نصيـتـه وأنــت ضـيـف =يـقــوم لـــك بجـمـيـع الـواجـبـات
وفـيـهـم مـــن يـزيــد الـهــم غـــم = ولا يـنـطـح وجـيــه الـمـكـرمـات
واضعيـف النفـس لـو مالـه كثيـر = ســواً بــه فــي حيـاتـه والمـمـات
واضعيـف النفـس لـو مالـه كثيـر = عـن الطـولـه شـبـوره قـاصـرات
واضعيـف النفـس نـذل ٍ مـا يفـيـد = وجــــوده والــعــدم مـتـسـاويـات
بـخـيـل ٍ فــــوق دنــيــاه وذلــيــل = وعـن الامجـاد طبـوعـه شــاذات
يقـولـه واحــد ٍ جـــرب وشـــاف = وصـار يـقـول عـقـب التجـربـات
عـلـى قــول الــذي بالـقـول فــاز = سبقنـي فـي العصـور الماضيـات
جـــزا الله الـشـدايـد كـــل خـيــر =عـرفـت بـهـا الـقـدا والمخطـيـات
وعرفت بهـا العـدو مـن الصديـق =جــزاهــا الله عــنــي بـحـسـنـات
فـيـا سـامـع كـلامـي لـــك عـلــي =نـصـايـح كـالـجـواهـر غـالـيــات
ولا أريــد الـجـزا إلا مــن إلـهـي = ثــــواب الله خــيــر الـجــايــزات
علـيـك بـطـاعـة الله ذو الـجــلال = إلــــه الــكـــون رب الـكـايـنــات
جليـل الملـك ذو العـرش العظـيـم =ومــن الأفــلاك بـأمـره دايـــرات
مغيـث المستغيـث إلـيـا أستـغـاث =وقــهــار الـجـبـابــرة الـطــغــات
ولــي الأمــر عـالــم كـــل شـــي =ولا تـخـفــى عـلـيــه الـخـافـيـات
مـحــب الـعـفـو غـفــار الـذنــوب = ولـه حسنـات الأسمـا والصـفـات
وسـيـع الحـلـم رحـمــن ٍ رحـيــم = وعــفــوه واســـــع ٍ لـلـمـغـفـرات
وهـو معبـودنـا المحـيـي الممـيـت = وعـلــم الـفـقـر بـيــده والـغـنــات
علـيـك بطاعـتـه فــي كــل حـيـن = وقــم لــه بالـفـروض الـلازمــات
شـهـادتـك وصـلاتــك والـصـيــام = وحـــج الـبـيـت واداي الــزكــات
وبــر الوالـديـن احــرص عـلـيـه = وفـعــل الـبـاقـيـات الـصـالـحـات
وقل معـروف وأنـه عـن المناكـر = وأتــق ذنــب رجــم المحصـنـات
ولا تـنــقــل كـــــلام ٍ بالـنـمـيـمـه = وتظـلـم لـــك نـفــوس ٍ غـافــلات
تـرى المولـى عـن العـالـم غـنـي = ومــن طـاعــه يـنــال الأمـنـيـات
كـريـم ٍ لا عـطــا مـاهــو بـخـيـل = ومــداتـــه جـــــزال ٍ وافـــيـــات
ليـا مـنـه عـطـى جــزل العطـايـا =وهـو حــلال صـعـب المشـكـلات
تــراه الـلـي لـيـا ضـاقـت علـيـك =يـفـرجـهـا مـجــيــب الــدعـــوات
مــزيــل الــهـــم رزاق ٍ مـعــيــن = عـلـى خـلـقـه عـيـونـه مـرقـبـات
عظـيـم الـشـان حــي ٍ لا يـمـوت = مــديـــم ٍ والـخــلايــق فـانــيــات
وكـن مستامـن ٍ بـه وأمـش وامـن = والأقــــدار بـفـلـكـهـا مـاشــيــات
ولا تـحــزن وعـانــد كـــل هــــم = ولا بـــــد الـشــدايــد زايــــــلات
ولا شــفــت المـحـقـريـه بــديــره =فـلـرض الله فـجــوج ٍ واسـعــات
بــدل دار ٍ جـفـاك الـلـي سكـنـهـا = اتـحـصـل لـــك ديـــار ٍ ثـانـيـات
فحـث الرجـل وأرحــل لا تبـالـي = ولا تـبـقـى عــزومــك فــاتــرات
ودس بالرجـل غـبـات المخـاطـر = ولا تحسـب احسـاب مخـاطـرات
فـلا يجـري لـك الا مـا كتـب لـك = ولا يــاقــاك عــنــه مــحــاذرات
وهاجـر عـن ديـار الــذل تـربـح = وســافــر لـلــديــار الـنــازحــات
تـرى الأسـفـار سـجـات وغنـايـم = وكــــم لـلـبــال فـيـهــا تـسـلـيـات
تــرى الأسـفــار للـعـاقـل مـفـيـده = تفـيـدك مـــن جـمـيـع النـاحـيـات
تـعــرفــك الــرجـــال الـطـيـبـيـن = ذوي ســـاس الـعـلـوم الغـانـمـات
وتجـعـل هـمـة اعـزومــك قـويــه = وتعـطـيـك الـــدروس الـكـافـيـات
وفيـهـا للمـعـاش أحـسـن وسـيـلـه = وفـيـهــا للـنـصـيـب مـصـادفــات
وسـجـات الـنـفَـس فـيـهـا وفـيـهـا = لعمـر المـرء فـي الدنـيـا طــرات
تحـرك فـي فـجـوج الله الوسيـعـه = يجيـك الـرزق مـن كـل الجـهـات
ولا تـرضـى الكسـافـه والمهـونـه = تشـوف مــن المعـاديـن الشـمـات
وتـرى عمـر الفتـى ماهـو بـدايـم = وتـرى آجـال النـفـوس مـحـددات
ونـيـل المـجـد فــي قـــوة الإراده = وطـــلاب المـعـالـي مـــا يــبــات
يــدور للـعـلا لـــو كـــان يـتـعـب = وعيـونـه فــي طلبـهـا سـاهــرات
فــــلا تـغـتــر بـالـنــوم الـعـمـيـق = تــراه يضيـعـك عـمــق الـسـبـات
تغـانـم دام لــك قــدر إستـطـاعـه = ومـا دام الـفـرص لــك سانـحـات
وليمـنـك بـذلــت الـجـهـد فـأعـلـم = تــرى أرزاق الـعـبـاد امـقــدرات
فـكــن صـابــر وأقـنــع بالـمـقـدَرْ = ولا تـنـدم عـلـى مــا كــان فــات
تــرى الأرزاق مــا تـاتـي بـقــوه = ودنـيـانـا تـراهــا خــــذ وهــــات
ورزق الحي مضمـون ٍ وجـاري = إلـيــا حــتــى تـلاقـيــه الــوفــات
ولـكــن التـسـبـب شـــي واجـــب = ومـن يــزرع سيجـنـي الثـمـرات
وتـرى مـن جـد لابـد انــه يـاجـد = كــلام أهــل الـعـقـول الـزاكـيـات
وليمـنـه بــذل جـهـده ولا أحــرز = مـرامــه مـــا عـلـيــه مـعـاتـبـات
ونـفـسـه مـــا يلحـقـهـا حـسـوفــه = بـقـولـه مـــا عـمـلـت مـحــاولات
الـيــا مــــن الـلـيـالـي عـاكـسـنّـه = وحـظـه مــا سـعـى بمـسـاعـدات
فـيـدري بـــان هـــذي دبـــرة الله = ويـبـقــى قــانــع ٍ بـالـحـاصــلات
وخير الناس مـن يعطـى القناعـه = ولا أشقـى مـن نفـوس ٍ طامعـات
وعنـدي غيـر مــا قلـتـه وصـايـا =على المعنى الصحيـح امسيسـات
اليا منك بغيـت تصـون عرضـك = وتـحـضـى بالـمـزايـا الـكـامـلات
فــلا تمـشـي مـعـا الأنــذال دايــم = وسـايـر لــك رجـاجـيـل ٍ ثـقــات
ومــن لا شـــاورك لا تستـشـيـره = ولــو عـنـد الـظـروف القاسـيـات
وكُن صامت فإن الصمـت حكمـه = وهـيـبــه داخـــــل المـجـتـمـعـات
وكُـــب الـثـرثـره بـالــك تلـجـلـج =فـلا يبقـى عـلـى هـرجـك شـفـات
وكثـر الضحـك نقـص ٍ بالمهـابـه = فــلا تضـحـك بـــدون منـاسـبـات
ولا تنـطـق بغـيـر الـصـدق دايــم = ولا تـبــدي اهـــروج ٍ كــاذبــات
وكُــن مـتـواضـع ٍ بـالــك تـكـبَـر =وخــل أخـلاقــك دايـــم عـالـيـات
ولا تشكـي علـى حـي ٍ سـوى الله = اليـا شفـت الـظـروف معاكـسـات
ولا تـبـدي عـلـى الأنــذال ســدك = ولا بـــــد الـشــدايــد زايــــــلات
ولا تنـسـى علـيـك بحـفـظ حـقـك = تـرى لـيـس الـكـرم بمناضـحـات
وعن التبذير صُن مالك يصونـك = اليـا جــات الـظـروف القاسـيـات
تـرى ماكـل مـن يضحـك يفـيـدك = الـيـا صــارت يـديـنـك خـالـيـات
وعـز الجـار فــان الـجـار قــدره = علـى المسـلـم مــن المستلـزمـات
وظيفـك بــش فــي وجـهـه وقــدم = لــه المـاجـود حـسـب المـقـدرات
وحــذراك الخيـانـه فــي خـويــك = ولا تـرضــى عـلـيـه مـحـايـفـات
وحــذراك الـغـرور أول شـبـابـك = تـرى طـرق الـغـرور مضيـعـات
وليـا ثــار النـشـب بـيـن المـقـرد = فـجـنـب والـعـواقـب مـرضـيــات
ولا تخـطـي ولا يخـطـى عـلـيـك = وبـالــك تـعـتـرض لـمـعـرضـات
وليا جـاك الخطـا مـن يـم جاهـل =فــــداره بـالـهــروج الـمـقـنـعـات
لـعـلـك تقـنـعـه بـأحـسـن وسـيـلـه = وبـيــبــان الـحـمـاقــه مـقــفــلات
وان لــم يقـنـع الجـاهـل بـعــذرك = وأمــــوره شـفـتـهــا مـتــوتــرات
فـكـن عـاقـل وحــذراك الجهـالـه = وحــسّـــب لـلـقـوافــي قـافــيــات
ليـا جهـل الجهـول العـقـل ضــده = فــلا تحـسـب لأمــور ٍ مـهـمـلات
مضى وقت الجهـل وأقفـى وولـى = مـعـا غـبـر السـنـيـن الـمـدبـرات
وليـا مــد الجـهـول ايـديـه عـامـد = وصــارت مــا تـفـيـد مفـاهـمـات
فحـاول تقنـعـه فــان كــان عـانـد = فـــلا للـنـكـر غـيــر الـمـنـكـرات
وردع الجهـل مـا يحسـب خطيـه = ويحسـب مـن الأمــور المقـديـات
خصوصاً لأنتهى مقـدار صبـرك = وشفـت مــن الخصـيـم معـانـدات
فـلا يـرضـى عـلـى نفـسـه مـذلـه = يـكـون الـلـي عـزومـه ناقـصـات
ردي الخـال نــذل ٍ وابــن هـامـه = ولاش ٍ والــروابـــع خــــــاذلات
وليـا منـه قضـى صبـرك وغـلـق = وشـفـت ان مالحـلـول بمجـديـات
فـدافـع دون عـرضـك والكـرامـه = وخاتمتـك لـيـا مــا جــات جــات
والأجـل مـقـدر ٍ والـمـوت واحــد = والأنـفــس كـلـهـا لــــه ذايــقــات
ولا يـاقــى الـحــذر مـمــا يـقــدر = لا بـــد أحـكــام ربـــك نــافــذات
وهذا مـا أستطعـت مـن النصايـح = نـصــايــح ثـابــتــه ومــوكـــدات
يـقـولــه واحــــد ٍ والـكــامــل الله = يوصـي ومـا عـمـل بالتوصـيـات
أوصـيـكــم وأنــــا والله مـقـصــر = قـصـور ٍ مــا تـغـطـه لأورقـــات
خصوصاً من جهة ما يرضي الله = وهــذا الـلـي بــه أكـبـر فـايــدات
عـسـى ربــي يسامحـنـي ويغـفـر = ذنــوبــي الآتــيـــه والـسـالـفــات
ولكـن ياهـل الـعـرف أعـذرونـي = اليـا قـصـرت فأبـغـى المـعـذرات
وصلـى الله عـلـى المخـتـار طــه = عــــدد مـانـسـنـسـن الــذاريـــات
شفيـع الخـلـق فــي يــوم المـلاقـا = وكــل الخـلـق حـافـيـن ٍ عـــرات
رســـول الـحــق سـيـدنـا مـحـمـد = عليـه مـن الإلـه أزكــى صــلات