[الخيـــال]

	النهايه لا نهايه عندما تكون الساعه الــ 25 تماماً يكون النزف مختلف ذات مساء كتبتني ملامح الدقيقه الأخيره غربة اوطان ومسافه والنهايه لا نهايه =انتهي في نفس دربي والمواجع سرمديه ضايعٍ كني بلا وجهه ولا مقصد وغايه =غربةٍ ماتنتوصف بالحروف الابجديه المواجع قيدتني كيف تطلق لي يدايه =اشهد ان كفوف وقتي في مواجعها سخيه والهنوف اللي حلاها صار بين الناس ايه =ماكفاها قلبي اللي سقته بكفي هديه اسهر بليلي وهي تختال قدام المرايه =كنها تشرح لها اسرار فن الجاذبيه كل ماقرّبت منها زادت بقلبي عنايه =لعنبو حبٍ يوردني على حوض المنيه غلطتي كانت جنوني يوم اعلمها الرمايه =والنتيجه واضحه طبعاً انا صرت الضحيه كنها صارت على قلبي لها حق الوصايه =تستلذ الطعن في قلبي بلا ذنب وخطيه كثر مازادت عذابي كثر ماتظهر غلايه =وعزتي للي رماه الوقت في يدين حضريه لو بحاول واختصر في قصتي واصل الحكايه =بدوي من سوء حظه حب بنتٍ عنجهيه النهايات البعيده صارت بعيني بدايه =رحلةٍ فيها تجرد خافقي قدم البريه مغترب مع هم قلبي والنهايه لا نهايه =والمواجع حسبي الله كلبوها سرمديه همسه : الف شكر للغلبا وما أنتجت من رجال احمل فصيلة دمكم يا خوالي تحياتي لكل من يقرأني هنا الخيال الخيال