بسم الله . الاخوان الكرام قبل كل شي تراني كل ما جيت ارد عليكم في اي موضوع لي الرد ما يروح ما ادري وش الخاصية اللي معطينها يوزري مير شوفوا لي الوضع . منها اني رديت على الجبري وعطيته اضافات اخذتها من الشيبان عن الوقعات اللي ذكرها عن اهل الوديان ولا لقيت الموضوع كله ماهو ردي لحاله ..
والشي الثاني وهو موضوعنا :
كنت جالس اسوي بحث ادور قصايد الشاعر ناصر الفراعنة في النت وبالصدفة لقيت منتدى اسمه النداوي فيه قصايد لناصر منزلها هو وقصايد اخرى منزلينها ناس نيابة عنه الظاهر وقصايد لشعار ثانين من سبيع ولقيت في المنتدى اعضاء سبعان ما هم شوي . بينما كنت اتصفح هذه القصيدة اللي قام بطرحها احد شعار النداوي وهو مشعل العتيبي والقصيدة لشاعر منا يا سبيع وهذا رابطها للاطلاع فقط :
http://www.alnadawi.com/vb/showthrea...threadid=14673
يوم خلصت هالمشاركة وقمت افتش في المشاركات اللي بعدها واللي قبلها لقيت المصيبة والطامة الكبرى اللي والله انها ما تنترقع فقد قام لصوص الهواجر بسرقة قصيدة الشريف في وقعة تين مع الزكور يوم يمدح سبيع ويعترف بنصرهم عليه وحاط بدال اسم سبيع اسم الهواجر والقحاطين حسبنا الله عليه وحتى القصيدة انا ما احفظها زين مير الشيبان دايم يرددونها وباحاول ادورها واللي منكم خابرها يجبها ولقيته ما جاب البيت اللي يقول ان شريدتهم يعشيهم الصاع ... ابوكم الهواجر وش جابهم عند تين . نعوذ بالله من الكذب والمشكلة جايين لصوص من الهواجر يصدقون له ويهايطون له . والمشكلة الاكبر ان سبعاننا عندهم واجد ولا فيهم اللي رد على هالكذوب وبعضهم معنا اعضاء هنا في منتدانا وقد يكونون ما يعرفون السالفة او انهم ما انتبهوا للمشاركة لأني لقيتها أثناء تنبيشي ومن السبعان اللي لقيتهم هناك وهم معنا هنيا مفرح وابن جلبان وابو شيبة ورياجيل واجد ونطالبهم بصراحة انهم يردون عليه لأن هذا واجب قبيلتهم عليهم ولا خير في رجال ما فيه غيرة لبني عمه وكذلك هقوتنا فيهم كبيرة ولا به الا هم لأني يوم جيت ابي ارد لقيت التسجيل مقفل والا كان جت علوم. وعقب يوم تنشدت قالوا المنتدى مشهور واي سرقة فيه ما تنكشف راح تكون خطيرة وراح يعتقد الناس انها للهواجر لأنهم الظاهر يثقون فيه بسبب كبره وشهرته وان اللي يتابعونه من كافة الاجناس وااااااجد
هذا هو الرابط اقروه وراح تشوفون وش لون السرق ووش لون غبائهم في ان الشريف لا هو بحولهم وتين ضلع سبيع . اهيب يا وجيههم :
http://www.alnadawi.com/vb/showthrea...threadid=20859
واطلب راي الاخوان اخو شما وابن جراح وكل الربع هنا بدون استثناء في وضع رادع وان يكلمون الاخوان الاعضاء اللي فيه من بني عمنا انهم يروحون للمشاركة ويضعون النقط فوق الحروف بعد ما يقطبون السالفة ويجيبون قصيدتها ويحطون الادلة اللي ما ينكرها عقل مثل تين والشريف وكل هالامور الي هي في صلب ديار سبيع
هذا وسلامتكم
اخوكم : سحمي بن حطاب الملوح السبيعي