ما شفتني ياسيف يوم الوداعي =كني صغير(ن)شاف حادث هلٍ له
امه توفت والظماير تلاعي=وابوه لحق امه عقب فات حله
قعد وحيد(ن)مالقا من يراعي=وقلبه من الايام جا فيه خله
منول بكل المواقف شجاعي=واليوم حزنه والمذله تذله
واستقربوه اهل النفوس الطماعي=يبون ورثه يوم باعوا محله
على وليف(ن)للقا ما استطاعي=حده عن الجيــه زمانه وحله
ابو عيون(ن)سود خرس(ن)وساعي=ومبيسم(ن)كن القمر ضاحك(ن)لـه
ومجدل(ن) من فوق الامتان ثاعي=يجمعه عن ردفه ويرجع يفله
والخصر لامنه وقف بارتباعي=عليـه ستر اللــه من كل خله