[جفين الطويرش]

اقدم لكم هذه القصيدة واتمنا ان تعجبكم
وسمحولي على الانقطاع

اليله الهاجوس مدري أش طراله=قام ايتفلت ما نفع هجر وقياد
قلت اركد اركد والدعاوي سهاله=قال انت ما تدري وش اللي بلاكباد
قلت استمع منك وبضرب مثاله=تاتي بيتٍ يحفضه تالي الاحفاد
قال استلم علمٍ غني عن سؤاله=علمٍ وقادٍ من على عهد الاجداد
يا جفين وقتك فيه عدل ومياله=وشوف معك اصحاب وشوف حساد
مير انتبه وسمع كلامٍ جزاله=فناس جهالٍ وفناس نقاد
ملا يعبد الله مالك بفاله=يصلى سعير اللي بها قيد وعماد
ولولا الئمل بالله واللي العداله=ما كان في خلق الولي ناس عباد
ومن بر ولدينه تبره اعياله=ومن عقهم عقوه بثبوت وسناد
ومن لا يروم المرجله والشكاله=خسران ماله ذكر من بين الاجواد
ولولا الصبر محدٍ يحوش الجماله= ولولا العزايم ما حصل عز ومجاد
والادمي لولا طموحه وأماله=ما كان لليام والوقت عداد
ولولا دقاق المال ما جا جلاله=ولولا جهد راعيه ما فاد ما فاد
واللي حلاله ما تعدا ضلاله=قله ترى منتب للجواد ميراد
واللي ضفا خيره على من عناله=هذاك له في جنت الخلد ميعاد
تمت وصلوا عد طلت هلاله=وعداد برقٍ لاح وعداد رعاد

وسلامتكم