[شافي مسلط]

اقدم طلبت الله كل ما هوجست بالهوجـاس = قبل نظم القـــوافي طلبـت الرحمان ابديهـــا
لا جيت ابدع القيفان ماجاني كســـــل ونعــــاس = اغيبهـا على صـدري وسرحهـــا وضويهـــا
سلام الله على قيفن فعولـــــــه يرفعـــــن الـراس = لهـم تاريــــــخ ثابـــت في اول الدنيا وتاليها
اعبر عــــــن مواقفهــــم وتشهدلي جميـع النـاس = سلاطينن على قحص الرمك تعرف عزاويها
الاد سويد لارد الـــبراء فـــالمـــوقـــــف الحـساس = عيـون الفــارس الهمــام تكحلهــــا وتعميهـــا
ليامن سالت القمرا وجاب عـــلومهــــا الــعســـاس = رعوهـــا جــــوس بأذواد جليل الملك حاليـها
وراها كل شغموماٍ على اللي يضرسن اضراس = يزوحن العــداء عنهــــا وتامــن في مفاليهــا
على راي العقيد اللي يدوس الـــــراي قبل يـداس = يدوس الراي وعيال النسـاء يخلف هقاويهـا
ابن باحص ليا عدو هل الطولات والنــــــومــاس = شيوخــن حيها يمشي على تا سيس ماضيهـا
ابيوتن عامره والبيت بنيه عنـــــد طيب الســــاس = اثر طيب البنايه عنـد مســــسهـا وبــانيها
وانا مهما بقول من الهروج العلــم ما ينـقــاس = وانا لو كان بحص افعالهم مانيب محصيهـــــا
مثل وقعت يعومه يـوم رد الجـيش والافــراس = وكم من عيطموسن ذوقوهـا حـر غــاليهـــــا
يمن اللي تمنا الحج حصـل حجـت الافــــلاس = مثل ما قال شاعرنـا جمــاره قـــام يخطيهــــا
حصل يومن يشوق اللـــي براسه دندنه وعطــاس = وانا متشوقن منها واطـول بفعـــل راعيهــــــا
انا وياه معدنا ذهب مــــافيـــــه خـــلط انحــــــا س = علومن ثابته مــانيب من راسـي مسـويهـــا
وعسى ربي يعز املوكنا اللـــي ثلمت الامـــــواس = وطفت فتنت ابليس اللي منول كان يوشيهــــا
وصرنا فالزمان اخوان فالممشـى وفــي المجــــلاس= زمان العنصريــه والفــتن مـا عاد نطـريهـــــا
وذكرنا الله عدد ما خط من حبرن على قرطاس = خذينا مـــا تيسر وختصـرنا عـــــن بواقيهــــــــا