[المتحد]

السلام عليكم ورحمة الله وبركاته


تعطر ياثرى الحد الجنوبي وأذكر السبعـان
ليا ثـار العجـاج وقيـل يانطاحـة الهيـه
تعطر بالدمي الطاهره بالمسـك والريحـان
دمـيً ماخلطهـا غيـر حبـك يالسعوديـه
تعطر من هل الغلباء تعطر ياجبل (دخـان)
تعطر وانشد (المصمك) وتاريخه وماضيّـه
يبا يعطيك علم اسلافهم في ساحة الميـدان
علشان تعرف وشلون يعطى القوس باريّـه
محمد والفخر ماهوب توه في بني عـزوان
مسجل فى سنام المجـد والتاريـخ راويّـه
على (ابراهيم كاشف) يامحمد داسوا الجدان
وعلى (الحوثي )يدوسون العيال ونارهم حيه
محمد والمنايا يوم حانـت حضّـر الديـان
وقمت تعانقه وتقـول لـه ياحـي طاريّـه
لقاك الفارس اللي ماتهزه صولة الفرسـان
ولقاك المؤمن اللي يعتزي نخـوه وغاريّـه
على حد الوطن يومه نخاك وثور البركـان
ونـادا ياهـل التوحيـد خيالـه ورجلـيّـه
وقفت بموقف العزه وقفت بموقف الايمـان
نبلغك السلام من الوطن شرقـه وغربيّـه
ومن حد الشمال ونجد الانجد لاطرف جازان
عبارات الفخر والمجـد مربوعـه ومثنيـه
يزفونك الى جنات عدن وجيـرة الرحمـان
وانا عبرت فخر وعـز ماحطيـت مرثيّـه

الشاعر/ ناصر الحمادين