[عبدالله القريشي]

راكب اللي لامشا تسمع رطينه = في حفيز البنز سواه الخواجه
للسفروقت اللوازم مشترينه = ما شري حتى يوقف في كراجه
قبل لامشي غيروا زيت المكينه = وعايروه وشيكولي كل حاجه
سارحين الصبح من وسط المدينه = والعشا في بيت من يضحك احجاجه
كل ماجوه العرب يضحك جبينه = ماتعكر شوفت الزاير مزاجه
يشتري بالدين جعل الله يعينه = يوم ولد اللا ش مايشر الدجاجه
الصخا يطلع ويرجع في يمينه = عقبها سوق الغنم وقف حراجه
طول الله ماتبقى من سنينه = وان توفى جنت الماوى مداجه
موت رجلاً مثل عبدالله غبينه = بس نصبر والقدر مافيه حاجه
نكتم العبرات بالنفس الحزينه = ونطلب المولى بصبره وانفراجه