هذه القصيده للشاعر /حجرف ابن هادي ابن حريمل السبيعي:
بعد الأستأذان منه بطرحها في المنتدى
يا ناشد(ن)عن لابتي والقبيله=أنا سبيعي مشعبي وارفع الراس
تاريخنا من قبل عصر الفتيله=ثابت ولا يلحقه شك(ن)ووسواس
هاك الصحيح وخل عنك الهزيله=ماهمني هرجة ضعيف(ن)وبلاس
سبيع هم أهل السيوف الصقيله=لاجاء نهار(ن)فيه ضاقن الأنفاس
سبيع هم أهل السيوف الضليله=كم في ذراهم عاشت شيوخ وأجناس
دايم يفيدون المهار الأصيله=من قبل أبوزيد الهلالي وجساس
لهم تواريخ ومواقف جزيله=وانشد جيوش الترك وانشد مع الناس
ماعمرهم جابوا علوم الفشيله=لالا ولاتطري عليهم الأدناس
الناس تتبع فعلهم كالدليله=نجوم تهدي من غدا بين الأطعاس
يابعدهم عن الردى والخميله=وياقربهم من كل طيب(ن)ونوماس
يكرمون الجار باحسن وسيله=ولا يلحقه ضيم(ن)ولا يلحقه حاس
يكرمونه بالشحم كل ليله=وينسى من الماضي همومه والأتعاس
عاش الحياه بعز بعد الذليله=ولا عاد يبغى غيرهم دار مجلاس
و(آلادمشعب)وارثين الفضيله=تاريخهم للناس منهج ونبراس
ياما أرتكوا لحمل ما أحد(ن)يشيله=الله عطاهم قوة النفس والباس
عدوهم دايم ونفسه عليله=ياما سقوه المر كاس(ن)بعد كاس
يضيق عنده كل رآي(ن)وحيله=ويخضع لهم ذليل مجبر وينداس
كم شيخ قوم(ن)صار مثل الهبيله=جابوه موثوق(ن)وفي يديه محباس
بعد الرخا تبكي عليه الحليله=وبعد الفرح تلبس عليه أسود لباس
خذوه غصب(ن)مايبون البديله=في ساعة(ن)للخيل صوله ومرواس
رجال منهم رد ألف(ن)مخيله=نص(ن)أسير ونص طايح على الساس
عند المواقف يكسبون الطويله=وأفخر بهم مافيه عيب(ن)ولا باس
سلام ياربعي حماة الشليله=من شاعر(ن)ينظم جواهر كالالماس
آمل أن تحوز على استحسان الجميع