اقتباس:
المشاركة الأصلية كتبت بواسطة بن ثواب
بسم لله الرحمن الرحيم
السلام عليكم ورحمة الله وبركاتة
يقول عبد لمجامعة سمي
ان قلت قين فنا قين ولد قين
وان قلت عبد فنا عبد رنية
رد علي الهزاني
والي يعرف القصيدة كاملة لا يبخل عليناء الي حصلت بين عبد المجماعة واحد شعارهم يقال لة سمي مع محسن الهزاني ودمتم سالمين
والسلام عليكم
|
هاذي قصيدة عبد رنيه ياابن ثواب العزيز
قال الذي يبدع من القـاف تسعيـن=تسعين قـاف كلهـن ايـن وانيـه
يا راكب من فوق سمـح الذراعيـن=فوقـه غـلام لا ندبـتـه شفنـيـه
يطوي مسير الشهر في ظرف ليلين=والليل الاخر في الحريـق امرحنيـه
تلقى الهزازيـن القـروم المسميـن=من سمعني في مدحهم مـا اكذبنيـه
ذباحـة للحيـل ومهـبّـش زيــن=ماكولهم يركـد علـى الكبـد هنيـه
إن جيت مجلسهم ويلا يطرب العيـن=فروخ الحـرار سيوفهـم ترهبنيـه
اختص محسن شوق ضافي الدليقين=لـولاه قـال كليـمـةٍ وازعلنـيـه
لومي على اللي سامعه من زمانيـن=وراه مـاقـاضـاه ولا اعلمـنـيـه
إن كان عندك وحدة عندنـا الفيـن=حتى الرخيصـة مـا نبيعـه برنيـه
يا محسن انك لو تشوف اريش العين=عفت الحريق وجيتنا صـوب رنيـه
ما شفت سعديـة وثنـوى وثنتيـن=في روشنٍ مااحلـى حمامـه وبنيـه
ذرعان سعديـة سـوات العراجيـن=ومشمرخـات بالذهـب يذبحنـيـه
إن قلت انا قين فنا قيـن بـن قيـن=وان قلت انا شين فانا عبـد رنيـه
البارحـه ليلـي كمـا قيـل ليليـن=أحس في عينـي دمـوع احرقنيـه
بكيـت ولا بكـان هـمٍ ولا ديــن=ولا لـي غريـم خايـف يذبحنـيـه
أبكي على من له على المتن قرنيـن=سبيـب شقـراء عندمـا فزعنيـه
ماهمنـي دنيـا ولا همنـي ديــن=ولا غـريـم خـايـف يذبحنـيـه
ما همني كود انت يا مغـزل العيـن=ابـو قـرون فـوق متنـه كسنيـه
ومجـدلات اطرافهـا وقـم شبريـن=شـروى حبـال شفتهـن يفتلنيـه