[خيَّال الغلباء]

بسم الله الرحمن الرحيم

يا ذاك بعض الهـــــرج ماني براعــــــيه = الله يسامحـــــك ابكـلام تـــقــــــولـه
أنا مجرب مر وقـتـــــــي وحـالـــــــيه = قبل المشيب وبعد سن الطــــفولـه
واللي يجيب الهـــــــــــرج وإلا يــوديـه = ما هوب لا حولي ولاني بحـــــــوله
أصبروأجامل واخذ الحق وأعطيـــــه = وأحل صعبات الامور بســـــــــــهولـــه
وأشره على اللي يستحق المشاريه = وإلا الردي منه اليدين امـــــغســـوله
لو لامني هزل اهزال ممـــــــاشـيه = امجـالسينه بالخطاء صــفــــقــــــوا لـه
يطيع راي اللي يبيعه ويشــــــــريه = ما يـدري إنها في قفاه امـــــحبــولـه
لا جاء لعطران الشوراب تنــــــاويه = ما يركـب إلا والذلول امعـــــقـــــــولــه
وإن شاف شيال الحمول امتعـــديه = جهز سـكاكينه وحرك اطـــــبـــــولــه
ودايم تحصل زلته في عــــــوانيـه = نفسه على الربع القريـــــب زعـوله
ولا تفخر أنسابه إليا حل طـــــــاريـه = قرب خطى في غفلـــــةً مــا دروا لـه
روابعه ما هي بتبعد مســــــــاريـه = تردم صلافيح الحصـــــا في حثــوله
ولو كل شخصا حاضره مثل ماضيه = ما يختفي في النسل ورث البطولـه
والطيب حبله يورد الجم ضـــاميه = لو كان يـنزح جـــم عده يطـــــــولــه
والطيب ما كل البشر خشــرة فيـه = إلا الـذي مع كل فـج سعـــــــــــوا لـــه
والطيب طـور متعباة مــــــراقيـــه = يا صعب مطلاعه ومسهل نـــــزولــه
واللي يناجيني بطيبــــه وأناجــــيـه = قدمي مطـاليق النشاما عنـــوا لـــه
ما ني بأجيه اموايق في مخابيـــه = أجيه لأجل اللي مضى من فعـــولــــه

أخي الكريم / سعد الوثلاني السلام عليكم ورحمة الله وبركاته وبعد : شكرا جزيلا لك على هذه القصيدة العصماء وصح لسان الشاعر / محمد بن فراج السبيعي وسلم نبضه وبنانه وإعتلا شانه ويسلم ذوقك والله يعافيك ويبارك فيك ويجزاك خيرا هذا وتقبل فائق الشكر والإمتنان مقرونا بجزل المحبة والإحترام مع خالص التحية وأطيب الأمنيات واسلم وسلم والسلام .