[عواكيس]

أنا والله ودي السج لين ارتاح
= وأفرج هموم داخل الصدر ملتمه

تجيني عصير وترتحلني إلى الإصباح
= وهذي سواتي دايم القلب في همه

زماني حياتي فيه دايم عناء وكفاح
= زياده على المجهود نكتب على الذمه

نبي كود نلحق متبقى من الأمداح
= مع طيبين الفال والصيت والهمه

مابي قولة إنه عاش عيشة كسير جناح
= ضعيف العزايم عيشته جعلها سمه

حقير بحياته ما إنفقد لو قعد وإن راح
= لو غاب دايم ما نشد عنه غير أمه

تربى على درب الرخامه وقدره طاح
= تخالط مرضها فالشراين مع دمه

أخوي / الوافي صح لسانك ولسان الشاعر / مجدل بن محمد الدعجاني الله يرحمه ويسكنه الجنة قصيدة وافية ومعبرة وجعلك على القوة .