[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : البيضاء يرفعها الشاعر / شايع بن فراج المحلفي السهلي للشيخ / فيصل بن سند السمي البقمي بسبب كرمه وعفوه عن الشابين / فهد السهلي و / سعود السهلي بقصيدته التي يقول فيها :

يا طير ياللي بالسماء تقلب الحوم
= ادفع سلامي للبقوم وتحية

سلم عليهم عد ما فات من يوم
= وعد الشجر واعداد نبت اثرويه

وارفع لهم يا طير في كل ملموم
= بيضا تلالا في عوالي طميه

بيضا من الخرطوم لحدود مكتوم
= وعلى صحاري نجد زدها شويه

تستاهلون المدح والطيب يا بقوم
= ياهل الصخا والطيب وأهل الحميه

ذباحة (ن) للضيف من قرح الكوم
= والعود الأزرق يتبع الشاذلية

قبايل (ن) عاداتها تنطح القوم
= وقت (ن) مضى في حزة الجاهليه

يوم القبايل بين زاحم ومزحوم
= تشهد لكم يا بقوم نجد العذيه

أنتم هل التاريخ فرسان وقروم
= يوم القبايل فوق بنت العبيه

بياعة (ن) للروح في حزة السوم
= لا جاء نهار (ن) فيه حلب برديه

عدوكم تسهر عيونه عن النوم
= وصديقكم يرقد وعينه هنيه

وخص فيصل طيب الساس شغموم
= راع المواقف والعزوم القويه

يا ابن سند يا بعد وجهك عن اللوم
= بعد الجزاير عن اهضاب الحويه

يا معتق اللي يومهم كان محتوم
= لولاك يالطيب زبون الونيه

لولاك يا فيصل ذرى كل مضيوم
= قامت تخطفهم حياض المنيه

أعتقتهم واللي نهج قلت مرحوم
= لله ما تبغي وراها جزيه

تبغى الجزاء من فارض الحج والصوم
= الواحد المعبود جزل العطيه

عساك يا فيصل عن النار معصوم
= ومنير جعله بالجنان الفضيه

أقولها عن لابتي فرد وعموم
= ورد الثناء يا بقوم حق (ن) عليه

اسهول تشكر فضلكم دايم الدوم
= تدعي لكم يا بقوم صبح وعشيه

وصلاة ربي عد ما قيل مرسوم
= على شفيع الخلق سيد البريه

منقول وأنتم سالمون وغانمون والسلام .