رد : مساجلة بين فيصل بن سلطان الدويش وعلي الأزمع أبو ثنين
كُتب : [ 02 - 05 - 2008 ]
بسم الله الرحمن الرحيم
أخي الكريم / ناصر المديري السلام عليكم ورحمة الله وبركاته وبعد : شكرا جزيلا لك على نقل هذه المساجلة بين عملاقين من عمالقة الجزيرة العربية الفارس الشيخ / فيصل بن سلطان الدويش رحمه الله وأسكنه فسيح جناته والفارس الشيخ / علي الأزمع أبو اثنين رحمه الله وأسكنه فسيح جناته والتي يقول فيها : الفارس الشيخ / فيصل بن سلطان الدويش رحمه الله وأسكنه فسيح جناته :
حنا نزلنا في طرف ساقان
= غصب عليكم يا علي
قمنا ورعينا عشبة الصمان
= في مرتع دايم خلي
في شف شقح تدهل الجيان
= لا سمعت الصايح تجي
يا ويل من جاء يمة المطران
= مغلوب لو إنه قوي
يشوف خيل فوقها فرسان
بصمع ولا هي بتهفي
زيزومها وشيوخها الدوشان
= نطيحهم دايم شقي
والنعم بقبيلة مطير العريقة وشيوخها الدوشان وقد رد عليه الفارس الشيخ / علي الأزمع أبو اثنين رحمه الله وأسكنه فسيح جناته قائلا :
يا طارش لا جيت ابن وطبان
= ما هوب فالمـــرتع هني
حنا رعينا العشب فالصمان
= ونرعى مويثل همن نجي
غصب عليكم يا ولد سلطــــان
= وتجنبــــــــون أم العجــــي
في شف وضحا تدهل الحيران
= مقياضها عد (ن) عذي
أبشر بخيل فوقها سبعـــــــــــان
= خيالهم ماله لـــــــدي
بتشوفها بالنور لا من بــــــان
= والنصر من عند الولي
وأقبلت خيل قبيلة سبيع الغلباء وأخذت المعيد الوضح إبل الأمير / ابن عريعر ثم إبل الشيخ الدويش رحمهم الله وأسكنهم فسيح جناته فاستماتت قبيلة مطير العريقة في الدفاع عنها ولكن خيل سبيع أطاحت بالشيخ / القريفة شيخ البدنا رحمه الله وأسكنه فسيح جناته بعدها انهزمت خيل قبيلة مطير تاركة ورأها المعيد وذهبت خيل قبيلة سبيع بن عامر الغلباء بالإبل بقيادة الفارس الشيخ / علي الأزمع أبو اثنين رحمه الله وأسكنه فسيح جناته فقال الفارس الشيخ / فيصل بن سلطان الدويش رحمه الله وأسكنه فسيح جناته :
جانا علي وفي يده مفراص
= وعيا على تال المغاتيري
منها القريفة طاح فالمداس
= وخلي لعكف المناقيري
وقال غيرها :
وش هقوتك في سابقك يابن شوفان
= يومٍ (ن) علي ولد الأزمع حداهـا
لحقت بهم سربة مداغيش سبعان
= لحقوا صخاف الشول ثم ارجعوها
ومما قيل في الشيخ / علي الأزمع أبو اثنين رحمه الله وأسكنه فسيح جناته القصيدة المنسوبة للشاعر الشيخ / حمود بن عبيد بن علي اّل رشيبد رحمه الله وأسكنه فسيح جناته في مقتل الأمير / عبدالعزيز بن متعب بن عبدالله بن علي اّل رشيد ( الجنازة ) رحمه الله وأسكنه فسيح جناته في معركة روضة مهنا :
يا أبو فهد تبكيك صفر الدلالي
= وتبكيك بنت تنقش الخد بالعود
وتبكبك صفرا كنها أم الغزالي
= اللي تهز الذيل والراس مشدود
مهوب عند امبيعين الشيالي
= واللي تجايرهم حلاتيت وجلود
تراه عند مهذبين العيالي
= اللي يعضون النواجد على الجود
صاده الأزمع بمرهفات السلالي
= بين البيارق حاضر (ن) عنده اشهود
يا سبيع يا مال ذهاب الحلالي
= بأدعي عليهم كل ما هبت النود
منقول وأنت سالم وغانم والسلام .
|