[خيَّال الغلباء]

بسم الله الرحمن الرحيم

اخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : مما خص به الشاعر النجدي المعروف شاعر الحرب الكبير / محمد بن عبدالله العوني من قصيدته الخلوج آل سعدون الأشراف شيوخ قبيلة المنتفق وخاصة الشيخ / سعدون باشا بن منصور باشا بن راشد بن ثامر السعدون وقد مدحه وهيج عشيرته بجزء كبير من قصيدته الأشهر ( الخلوج ) والعوني من أهم شعراء النبط في الثلث الأول من القرن العشرين على مستوى الجزيرة العربية ولا زال الرواة يتلقفون قصائده :

دعونا برايه ثم راي أبو ثامر=أبو كلمةٍ يافي بها حين قالها
عرق الوفا بحر الندى مرهق العدا=وان شبّت الهيجا تعرفه جمالها
هيّج سباع الحرب بالبر والبحر =والشمس تشكي عجّ خيله ينالها
ومصقّلات الهند تدعي له البقا=لولاه كان اصدت بغمده سلالها
نشا مولعٍ بالحرب والضرب ما شكا =والخيل والعيرات تشكي هزالها
من كثر ما مسّه على السير والسرا =ومن كثر ما خاضن مهامه سهالها
قوي باسٍ ما يلين لمعضله=والى ضكته صعبات الاحوال شالها
شال الحمول الكايده يوم جدعت=وعفىّ ظهورٍ جدّعتها رجالها
وعفُى مراعيها، وبرّد ظهورها =وان جيدلت بالسيف عدّل جدالها
تذرّى به السرحان والنمر والفهد=ومن هيبته كلٍّ رقد في ظلالها
أقسمت بالكرسي وبالنور والضحى=واشهد بسكّاب المطر من خيالها
فلا جابت الخفرات سعدون أو مشى=مثله على وجه الوطا من رجالها
من مثل ابو ثامر إلى ضبضب القهر =والخيل زاد من البلنزا جفالها؟
له هدّةٍ ما قيل ابا زيد هدّها =ولا عنتر المشهور ما قيل نالها
على سابقٍ تعطي على ما يريدها=وتكره صناديد القبايل خيالها
كيف ان لطّام العرانين فوقها =وغياهب السعدون تتبع مجالها
شبـيـبـيّةٍ تروي مقادم حريبها=وذا من قديمٍ طبع جدها وخالها
إلى صاح بـ المنشا ساروا وسبّلوا=وردوا كما سيلٍ حدر من جبالها
منشا يرون الموت بالعزّ متّجر =ومجاول الفرسان غاية سؤالها
أويّ والله لابةٍ ترعف القنا =وهم ذروة الدنيا، وذروة افعالها
إ لو هم شفيقينٍ على عزّ شيخهم=والى عزّ شيخ القوم عزّت ارذالها
أبا انسف على بعض الشبيب ملامة=وتكرم عن شيل الملامة سبالها
هم كيف عبدالله حمى الخيل وابنه =ملحق قصيرات السبايا طوالها
تركوا بنقيان الصريف ترودهم =الضبعة العرجا وتندب عيالها ؟
وهم يزرعون العيش ما كن كارهم=ويلاه يا عينٍ تزايد همالها
فلولا أبو ثامر برد حرّ خاطري=فرض سنة الشغموم وايتم اطفالها
سنة مهلهل مع كليبٍ خليصه=فرضها أبو ثامر وجدّد سمالها
ذبح بـ عبدالله شيوخٍ ضحى النقا=مصابيح ظلما بالدجى ينعنى لها
ومن عقبهم ميّة وسبعين لحية=عينه، ونفسه ما قضى عشر مالها
وان عاش ابو ثامر وسانع له الهوى=كم خفرةٍ ترمى الغطا عن جمالها
تبكي قصايرها، وتبكي حليلها =وتبكي مشافيقه وترمي دلالها

منقول وأنتم سالمون وغانمون والسلام .