[خيَّال الغلباء]

بسم الله الرحمن الرحيم

قال الشاعر :

بنت ناس وراعية ديـن وشريفـه
= من نظر فيها على طول احترامهـا

لا مشت ما هي لعوب ولا خفيفـه
= ولا رمت للي يبي يعشق سهمهـا

ما لبست ضيق ولا غطوه رهيفـه
= ولا رفّعت لمدّور النظـرة علمهـا

لا مشت فارس تلامع حـد سيفـه
= ترهب نفوس وسيعة فـي ذممهـا

وإن حكت هالصوت ما تسمع حفيفه
= يالله إنك بس تشعر فـي نسمهـا

جامعه كل الحياء عقـل وحصيفـه
= عمر أبو جد التفتـح مـا هزمهـا

التطور والريـاح اللـي عصيفـه
= مـا تثبّـط في مواقفهـا هممـهـا

ما عليها من ذياب الوقـت خيفـه
= كن ربـوة بيتهـا تلبـس شيمـهـا

الحصون اللـي حواليهـا منيفـه
= لو يحاول من يحاول مـا هدمهـا

ترتفع عن نـاس جهـالٍ ضعيفـه
= والنزاهة بالشرف ترقـى قممهـا

واضحة للكـل مستـورة عفيفـه
= من نظرها لو يبي يغلـط حشمهـا

منقول وأنتم سالمون وغانمون والسلام .