على المولى توكلنا وبدينا باسمه الرحمان====وبدينا بالتحيه لنشاما في مباديها
سلام الله سلامٍ يرتقي لامستوى السبعان====عدد ما سجلت كتب البريد وعد قاريها
سلام الله بريح المسك واليشموم والريحان====سلامٍ يشمل السبعان قاصيها ودانيها
لكم يا هل الوفا من عندي التقدير والصفطان====تحيات الوفا لهل الوفا والطيب نهديها
بعدها يا هجوس الشعر صف القاف والاوزان====نبا ننقا البيوت اللي جزيلاتٍ معانيها
مدام الله جمعنا وجتمعنا بحضرة الشيخان====ومدام أن النوايا صافيه والله مصفيها
أنا بنخا الشيوخ وبزهم اللي حاضرين الشان====وبنخا ربعي اللي بلقى تبعد هقاويها
ولا تكفون يا سبيع المعزه وحدو الميدان==== وحنا بتكاتف عز والامجاد نبنيها
ترى أول ما نبي تكوين لجنه تشمل الالجان====نوليها رجالٍ بالوفا كلٍ يزكيها
أنا عندي اقتراحٍ لنشاما بصيغة القيفان====أنا ودي شيوخ العز تدنو من مراكيها
لأن الشيخ مهما كان يبقى شيخ مهما كان====زعله وهرجته يحسب لها الف حساب نحصيها
ولأن الشيخ لامنه زعل ولا نقص له شان====زعله يزعل رجالٍ بني عمه تداريها
ولو صار المزاين حشمتٍ لفلان وبن فلان====غدا مثل الشويه من زمها راح يشويها
لزومٍ يلزمه رجلٍ يقرر شوكة الميزان====على شانه يمثل عزوتٍ تعرف بساميها
يمثل عزوة الغلبا رجالٍ جالهم برهان====قبل حكم السعودي يحكم الدوله ومن فيها
وهذا مزاين السبيع العريقه من نسل عدنان====لزومٍ يرتقي لامستوى الحاضر وداعيها
وختام الهرج يا سبيع العزيزه وحدو المنان====وصلاة الله على المختار باولها وتاليها
الشاعر /جفين شجاع الطويرش