السلام عليكم هذي اول مشااركاتي
اتمنى ان ارى ارائكم
تجدد الحزن والـــتـفــت حولي الـــهـــــمــوم = وتمتم خفوقي قصيد ٍ علـى مــشــــهــاتــــه
غدى حالي اليوم مــثـــل كـــل مـــحــــروم = محروم والسـبـب درب ٍ بــعــيــدٍ مــسافاته
تمنيت يكون لي جناحين وبسماي احــوم = واسال عن كــل خـــويٍ واشوف حــالاته
القلب بــديــــرة الــغــربـــه غــدى مكتوم = يحاول يبتسم والزمــن يكتم ابتسـامــاته
حاولت ابتسم والحزن بالعين مرســــــوم = والزمان اغبر وعمى عيوني بعجــــاتــه
احيان احس اني مثل الي جــمــع نـجوم = والنجوم راحت وتعبت تـنــطـر جـيـاتــه
بدوي ٍ ساق المراجل وساق الخصــــوم = بدوي ٍ صعب انه يفارق طبعه وعاداته
بنشدك ياطير يالي بسـمـاي تـــحـــــوم = كم واحد ٍ ما جا زمانه على مشهاتـــه
كلٍ يتمنى والقدر علينا دوم محتــــوم = وبيجي يوم ينطوي الكون وحكاياتــه
بنوقف قدام الخالق الواحد ابلا هـدوم = وكل ٍ يتمنى يرجع ويغير كل زلاتــه
لكن ماتنفـع الحـسافه وكثـر الـلــوم = وكل واحد ٍ فينا يحاسب على سياته
خاف ربـك واكــــثر من الصــوم = واتقى ربك واطــلــب مــنــه مرضاته
بيجي يوم ٍ ويقولوا فلان مرحــــــوم = وش قــدم قبل موته ووشهي وصاته