قصيدة اعجبتني قوافيها
 

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
وجدت هاذه القصيده في منتدا رغبه وهي للشاعر محمد بن فليج
السبيعي وقد اعجبتني قدرة الشاعر الهائله في شقر القافيه الأولا
ومن قرئها بتمعن سيجد الشعر الحقيقي بدون تطويل وبدون تعقيد
ومن يعرف قصائد لهاذا الشاعر فلا يبخل علينا
ياوقت وشعلمك تغيرة يا وقت =وشبك على الأسلام حديت نابك
وشبك على صفو المشاريب حوقت=حلق على روس النشاما غرابك
انا على عصر مضالك تشوقت =قدام تبرك بالمفالي ركابك
ياوقت جاوبني واجاوبك يا وقت = انكنت يا وقت الشقا ينشكابك
ياما على صكات بقعا تلوقت = ابي السلا امه من عناك وعذابك
وياما من اسبابك شربت وتذوقت =مر الشراب الي يبين عيابك
لا قلت فالدنيا نجحت وتفوقت =صبيت في كاسي بلاوي شرابك
وابرمت حبلك حول عنقي وطوقت = وحطيت راسي بين ظرسك ونابك
وفي مدخل الرجلين بالحيل ظوقت =للي لقا منك البهاذيل بابك
ماني لحالي المخاليق سوقت =سلك على بعض الرقاب متشابك
مامر يوم في لياليك روقت = دايم عليه عاويات ذيابك[/poem][/poem]

رد : قصيدة اعجبتني قوافيها
 

صح لسان محمد بن فليج على هذه القصيدة الرائعة


ولا هنت يا حزم الظيان

رد : قصيدة اعجبتني قوافيها
 

اخوي حزم اشكرك على نقل القصيدة.........
صح لسان الشاعر
واما اختيارك لقصيده يدل على احساسك المحب للقصايد الجزله>>>>>>>

اشكرك من اعماق قلبي

رد : قصيدة اعجبتني قوافيها
 

لا هنت ياحزم الظيان على النقله الطيبه وبيض الله وجهك يالقرم