بمناسبة فوز صفر فراج العماني في أم رقيبة
 

مساء الخير للجميع
هذه قصيدة للشاعر ذياب بن دحيم السبيعي بمناسبة فوز الصفر إبل الشيخ فراج بن شمروخ العماني شيخ بني عامر من سبيع والفوز يعود إلى قبيلة سبيع كافة ولله الحمد في أم رقيبية هذا العام 1426هـ.

[poem=font="Simplified Arabic,5,black,normal,normal" bkcolor="tomato" bkimage="backgrounds/7.gif" border="none,medium,gray" type=4 line=0 align=center use=ex num="0,black"]
بعد ذاعوا بالخبر والعلم جاني = اعتلت شمس الحمية في سماها
قيل فاز الشيخ فراج العماني = مركزه الأول وجايزته خذاها
جتبها الصفر المشاعيف الزياني = الله اللي مدها محدن عطاها
رشحت بالزين يالله المستعاني = صفر أبو شمروخ من يقواء مراها
الخشموم الكبار مع كبر الأذاني = والرقاب أطوال ما شاء الله علاها
والظهور كبار مع كبر المثاني = والفقار اللي يشوق من قفاها
وصفها يعجب هوات الصيفراني = رشحوها فالمزاين رشحاها
صفق الجمهور جوف المهرجاني = شجعوها يوم فازت شجعاها
تستحق الجايزة صفرن مقاني = القليل من الدبش في مستواها
ذود أبو شمروخ ذباح السماني = راس من روس تشرف من نصاها
عشرهم فالضيق ما ترجع ثماني = فالشجاعة والكرم مبعد مداها
يا سلايل متعبت ظهر الحصاني = شيخ ربعن فالقسى يذري ذراها
ربعنا اللي حدرو ذاك الزماني = والديار اللي لها صيت نزلاها
بالسيوف الحانية والدم حاني = والسباع بدربهم تلقى عشاها
افتخر فيهم بني عمي أخواني = في بني عامر ذراء الديره أحماها
قدرهم عالي عريبين المجاني = عزوتن من طيبها تقهر أعداها
مع هل الوقفات في كل المعاني = ربعنا بني عمر محدن نساها
ياردون الموت لا مس البطاني = وللكرم نيرانهم يجذب سناها
وللقصيد مناسبة والعمر فاني = ابتديت أبها وعود المبتداها
فوز صفر حققت كل الأماني = للقبيلة كلها واللي قناها
جوف جمع الدبدبة قاصي وداني = رايت الغلبا على الحفل رفعاها
عشت يا فراج يفداك الهداني = يا مشجع لابته قصده رضاها
كل مافي ضامري قاله لساني = والحقايق عندنا للي يباها
دقت أجراس القريحة في ثواني = يا عساها جملتني يا عساها[/poem]


[center]الشاعر /

ذياب بن دحيم السبيعي [/center]

رد : بمناسبة فوز صفر فراج العماني في أم رقيبة
 

صح لسان الشاعر ذياب بن دحيم ولاهنت على طرح القصيدة

والعماني يستاهل المركز الاول بجدارة ..

تحياتي

رد : بمناسبة فوز صفر فراج العماني في أم رقيبة
 

[QUOTE=السبيعي123]صح لسان الشاعر ذياب بن دحيم ولاهنت على طرح القصيدة

والعماني يستاهل المركز الاول بجدارة ..

تحياتي[/QUOTE]

السبيعي 123 صح بدنك يالقرم

ولاهنت على مرورك يالغالي

رد : بمناسبة فوز صفر فراج العماني في أم رقيبة
 

صح لسان الشاعر ذياب بن دحيم ولاهنت على طرح القصيدة

والعماني يستاهل المركز الاول بجدارة ..

تقبل تحيات المنتبه

رد : بمناسبة فوز صفر فراج العماني في أم رقيبة
 

[QUOTE=المنتبه]صح لسان الشاعر ذياب بن دحيم ولاهنت على طرح القصيدة

والعماني يستاهل المركز الاول بجدارة ..

تقبل تحيات المنتبه[/QUOTE]

المنتبه صح بدنك ولاهنت على مرورك يالقرم

وتقبل تحياتي

رد : بمناسبة فوز صفر فراج العماني في أم رقيبة
 

صح السان الشاعر والعماني يستاهل المركز الاول ابله طيبه ما شاء الله عليها

رد : بمناسبة فوز صفر فراج العماني في أم رقيبة
 

[QUOTE=جزل العطايا]صح السان الشاعر والعماني يستاهل المركز الاول ابله طيبه ما شاء الله عليها[/QUOTE]
صح بدنك يا جزل العطايا وصح لسان ذياب
والعماني يستاهل المدح