منتديات سبيع الغلباء - كل قاسي يلين لوهو من حديـد ***والصبر طـب الكبـود وزادهـا

[CENTER]كتب أحد الأخوة قصيدة مليئة بالتشاؤم واليأس فكتبت له هذا الصدى [/CENTER]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كل قاسي يلين لوهو من حديـد =والصبر طـب الكبـود وزادهـا
والأمل بالله هو بيت القصيـد =والعزم والحـزم رأس اسيادهـا
والرجا حبلـه طويـل ومايبيـد =والمحاجـر دمعهـا مافـادهـا
مابها الدنيا مريـح ولا سعيـد =توصي بقعـا بالغـدر أحفادهـا
يفعل الله مايشـاء ومـا يريـد =جل من يرزق جميـع عبادهـا
السعادة مطلبٍ صعـب وعنيـد =من سلك درب القناعه صادهـا
والتمنـي والأمانـي ماتفـيـد =أصبع الحسره يـرص زنادهـا
والكسل واليـأس عـذرٍ للبليـد =من سكن في الطامنات إعتادهـا
والهموم القاسية تأتـي سريـد =الوساوس سرجهـا وشدادهـا
وجرحك الخافي ولو ينزف صديد =أكتمه يالقـرم عـن حسادهـا
مثلكم يصطي إلى عال الضديـد =يحـرم عيـون العـدو رقادهـا
ومثلكم مشهور بالرأي السديـد =أعتلى ظهـر المعالـي وقادهـا
ومثلكم باع المظاهـر بالزهيـد =مايهمـه فـي الحيـاة بدادهـا
والحمام إللي سجع فوق الجريد =يطربـك إنكـان ربـي رادهـا
[/poem]

[CENTER]عبدالرحمن بن عبدالله المجلي السبيعي /راعي مرات
__________
وهذه قصيدة الشاعر/ عبدالرحمن الدايل[/CENTER]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
تحسب إن كل ٍ بهالدنيا سعيـد؟؟ =الـمـلا غرقـانـة ٍ بنكـادهـا
لا تناظر بالرخـا زيـد وعبيـد =ذي مظاهـر والخفـا شهّـادهـا
يضمر المكنون يا الغالـي وقيـد =من لهيـب المشكلـة واعقادهـا
والله اللي ساتـر ٍ كـل العبيـد =يعقـب ايـام الشقـا بسعادهـا
والبيوت أسرار ذا علـم ٍ وكيـد =كـم بيـوتٍ تشتكـي حسّادهـا
والهنا في جوافهـا غـادٍ زهيـد =للفـرح تلبـس ثيـاب حدادهـا
ما دروا باللي رثوها بالقصيـد؟! =ما دروا عن حال صبح اعيادها؟!
إإإإيه كم جرح ٍ نزف فيها صديـد =إإإإيه كم عاشت بنـار اكمادهـا
ونة ٍ من جوفها تصهـر حديـد =رغـم ذا مـا تلتـوي بحقادهـا
آآآه لا منّه سجع فـوق الجريـد =لي حمام الورق طرب انشادهـا
هي سعيدة وانا في همّي وحيـد =أو تخاوينـا السنيـن اشدادهـا
لكن الظاهر أنـا حظـي عنيـد =والحمامه ما نـي مـن أندادهـا
بطرق طروق العنا سيد ٍ وسيـد =والجروح بعلم ربـي اضمادهـا
ذا ترى يا صاحبـي راي ٍ سديـد =ذي جروحي نزفهـا مـا فادهـا
كم شربنا المـر والعلقـم مديـد = كم صلا هالروح نـار اضدادهـا
ما يسّرك لا تشكّـي ولا وعيـد =بيـد ربـي حلّهـا واعقـادهـا
وتحسب إن كل ٍ بهالدنيا سعيد ؟؟ =المـلا غراقـانـة ٍ بانكـادهـا
[/poem]

[CENTER]الشاعر/ عبدالرحمن فهد الدايل[/CENTER]