منتديات سبيع الغلباء - مساجله للشاعر مسلط بن عبدالله السبيعي والشاعرسيف بن محماس السبيعي

[SIZE="5"]هذه القصيده مرسلها الشاعر:مسلط عبدالله الجهمي السبيعي
إلى الشاعر /سيف محماس المشعبي السبيعي[/SIZE][poem=font="Simplified Arabic,4,black,bold,normal" bkcolor="burlywood" bkimage="" border="ridge,4,darkred" type=0 line=0 align=center use=sp num="0,black""]
الله على اللي جديدٍ تو ما جوبــــــه = تلقــى غبــار البواخــــــر في صداديــمــه
ودريوله مايتوحش لا عطى الخوبـه = يقطـــع رقـــاق التخاتخ والعــــــرب نيمـــه
هو منوت اللي يبي يعطيه مكتوبــه = ملفاه ربعــــاُ لهم عنـــــــد العــرب قيمــــه
الاد مشعب اليا جا الضيف هلوبــه = ومكملينــــــه بعــــــــز النفس والشيمـــــه
وإن جاء نهاراً تجي الارواح مجلوبه = يوم أشهب الملح جاله في السماء غيمـــــه
يهدون الارواح والاجـــــال محسوبــه = د ون المجاهيــــم لا مسو حــــــقب ريمـــــــه
مدحتهم يوم جاء للمـــدح مـــاجوبه = وأسلــــم وسلــــــم عـــــدد وبلـــن معه ديمه
واثنه على اللي دفعت رسالتي صوبه = لبــو محمد وجـــار الــــبيت ورحيمـــــه
وعداد نـــــواً حقوقاً تزبـــــر إنصوبه = يصبــــــح على الــدرب ماه قنوفه مقيمـــــه
عقب السلام أقلطو والنار مشبوبـــــه = والبن يشـــــــــرى لهــــــا مـــــن غالـي القيمـه
في دلةٍ كنهــــــــا الغرنـوق مـربوبــه = يجغفلهـــــــا مـــــن بهـــــار الهنــــد تلقيمـــــه
مع حايلاً يكســر المعـلاق عرقوبــــه = والذود ما يــــــذبح الا مـــــــن مــــــراديمـــــه
في بيت غمراً مــاهــوب يحسب ذنوبه = ولا هـــوب لاشن يصكونــــــه مــــساليمـــــه
بيته طوال الشـوارب تعــــرف دروبـه = مصيــون عرضــــــه عن اللي داره وخيمـــه
وخلاصة العلــــــم ود العلـم والفوبــــه = مــــن صــوب غمــــراً تشــوقنـي مناظيمــــه
يابو محمد يا عزوت مــــــن تهقووبــه = يا مسنـــد اللي شكــــى من وقتـــه وظيمــــــه
حيثك طبيبٍ تعــرف الحب وسلوبـــــه = عنـــدك شهــــادة علـى فحصـــه وتعليمــــــه
يـــــاسيف قلبي قلال الخير هجـــوبـــه = وردت وادي الهيــــام وطحــت مـــع هيمــــه
لا نامو الناس كني مــــــاسكن نوبــــه = ما نوم لــــين الســــحـر تبـــــدي مقاديمــــــه
من حب غــرون صغير السن وش دوبـه = عليـــــه قلبـــــي تقطـــــع مـــــن مـــــلازيمـه
مـــركوز الأنهـاد ردفه شايـــــل ثوبـه = سبحـــــان مــــن زيــن أوصــافه وتصميمــــه
ربيع قلبي مـــــزوح التـرف واعجوبـه = يا روح روحــــــي وزرع القلـــــب ونعيمــــه
ياسيف هات الخبر العلـــــم من صوبـه = عجــــــل عليــــــه عــــــروق فؤادي محيـــــمه
تلـقــفـــــولــــــه معـــــا ناســاً تنحـوبـه = والـــــدرس ما يجـــهلك جمعـــــه وتقسيمــــــه
ســـــج القـــدم في حراويـــــه وتقصوبـه = الصـــاحب اللـــــي خذت قلبــــــــي سلاهيمــه
وإن ما لقيتوه باخلص وأعلـــن التوبـه = ولك التحيــــــه ولك مليــــــــون تسليمـــــــــه
[/poem]
ورد عليه الشاعر / سيف محماس المشعبي السبيعي

[poem=font="Simplified Arabic,4,black,bold,normal" bkcolor="burlywood" bkimage="" border="ridge,4,darkred" type=0 line=0 align=center use=sp num="0,black""]
يامرحــــبا بالجــواب ومـــن تعنوبه = ترحيبتاً جوها مــــــا فيــــه تعتيمــــه
برسالتن جت من أهل الجود منسوبه = فيه الحلى والعسل ذوقه وتطعيمــه
فيها زهور الربيـع ونكهت أعشوبــه = وفيها مواضيع حساسات وضخيمه
مسلط حداه الزمان وحر لاهــــوبــــــه = والكون كله بحكــــم الله وتحكيمـه
رسالتـــــه جابها من نجـــــد مندوبـــه = خذيت كـــل الحقايق من مراسيمـه
يشكـي وانا عارف قصده مطلوبـه = وكـل زارع حصد زرعـه وبرسيمــه
ما ذقت حلو المنام اللـــي تهنــــــوبـــه = احسب الوقت تــأخيــره وتقـــديمــه
كله على شان ابو شافي ومحبوبـــــــه = انشد عن الذاهبه وانشـــر تعاميمـــه
الحب لو نمتلك مفتـــــــاح دالوبـــه = جينا نسوقه على كيفه بتنظيمــــه
واهل الهوى من قديم الوقت بلشوبـــه = ساعات فيها يجي لذه وتحطيمـــــــــه
وظروفهـم دايماً صعبه ومـــنكوبـــه = يجيك فيها الحلـــــى والمر وتهيمــــــه
واليوم جالــــه ملاقيفاً تبــــــاهوبــه = ويرهمونــه علـــى مليــون ترهيمــــه
مظلوم ومقزريــــن الوقـــت خانوبـــــه = قد له ثلاثين عامـــاً يشتكي ظيمـــه
من طب سوقه يطيح بجـــوف غيبوبه = من عالمــاً خــربت بنيــه بتهديمـــــه
يمشون أفكارهم بــــالعكـــس مقلوبه = يسرح ويمسي بعضهم كنه بهيمــــه
كم سر ناسن على المكشــوف ذاعوبــه = والمتهم تثبتــه بصمـات اباهيمــــــــه
والوقت حســــاس والأيــــــــام محسوبـــه = والنـاس مـــن طبعها رحـال ومقيمــه
صبرك على معضلات الوقت وأعجوبه = لا تبتلش مع قليل العــرف وفهيمــــه
واليا لقيت القـــــراح وزان مشــــــروبــــه = انزل على الماء القراح وشيد الخيمـه
ولك التحيه بــــدهن العود مصحوبـــه = تحيتــاً ختمـت بالمســـك تختيمـــه[/poem]