منتديات سبيع الغلباء - قصيدة الشاعر:سالم بن محمد المطوع في قبيلة سبيع الغلبا...

[SIZE=5]مبداي باللي من ترجاه ربحان = = = =اللي خلق للكون والانس والجان [/SIZE]
[SIZE=5]ارجيه يغفرلي جميع الـخطـايا = = = =لولاوسع عفوه فيا ويل الانسـان[/SIZE]
[SIZE=5]رب جعل خلقه شعوب وقبايـل = = = =واكرمهم الـلـي زاد لله الايــمــان[/SIZE]
[SIZE=5]لي لابة لهم تواريـخ وامـجـاد = = = =ولهم مـع اهـل الـبـطـولات عـنوان[/SIZE]
[SIZE=5]سبيع لا قالو سبيعي أنا ا فتخـر = = = =الاصل وافي بـين عـامـر وعـدنـان[/SIZE]
[SIZE=5]رماح ديرتهم واهلها البواسل = = = = قوما حموها اليوم مع ماض الازمان[/SIZE]
[SIZE=5]ولهم بعرق سبيع عز وقبيله = = = = يقال للطامع هل الدار سبعان[/SIZE]
[SIZE=5]قوما يشادون الثريا بفعلهم = = = = يشهد بهذا اصحاب قومي وعدوان[/SIZE]
[SIZE=5]ولهم سلوما ماسمعنا لمثلها = = = = حطو لشيئا قبلهم مابعد كان[/SIZE]
[SIZE=5]قصيرهم ما يشتكي منهم الضيم = = = = يلقى بضف القوم تعظيم للشان[/SIZE]
[SIZE=5]دايم يبدونه على كل غالي = = = = ويحشم بحشمتهم ولا هوب ينهان[/SIZE]
[SIZE=5]وخويهم يلقى الكرامه بقربهم = = = = من حرصهم ماقد حصل خاطره شان[/SIZE]
[SIZE=5]ارضاه يشرونه ولو كان غالي = = = = وحقه يوفونه على غير نقصان[/SIZE]
[SIZE=5]ودخيلهم لامن دخل في حماهم = = = = يرجي نجاة ماحسبها بحسبان[/SIZE]
[SIZE=5]باموالهم والجاه يفدون دمه = = = = ويعيش بامن عقب ما كان هربان[/SIZE]
[SIZE=5]وعدوهم مايحتمل خوض حربهم = = = = يخاف من حربا يجي منه خسران[/SIZE]
[SIZE=5]يفرح بصلحا صار بينه وبينهم = = = = ولاهم اهل غدرا ولا القوم خوان[/SIZE]
[SIZE=5]وحريبهم ماتقبل النوم عينه = = = = لهم مهدا منه زوغات الاذهان[/SIZE]
[SIZE=5]نفوسهم بالحرب ترخص عليهم = = = = وفي السلم عز انفوسهم مالها اثمان[/SIZE]
[SIZE=5]وصويبهم لا طاح طول مطاحه = = = = مضرابهم من قوة قلوبهم زان[/SIZE]
[SIZE=5]مركاضهم يلقى به الطير للعشى = = = = والذيب عقب الجوع به صار شبعان[/SIZE]
[SIZE=5]هذا بعضها واعتذر عن قصورها = = = = واللي يقول الحق ماهوب غلطان[/SIZE]
[SIZE=5]وختامها مني صلاة على النبي = = = = دينه نزل خاتم وشامل للاديان[/SIZE]