منتديات سبيع الغلباء - يا ناس خلـو كـل وادي ومجـراه = قلتـوا كثيـر وقولكـم مـا لقيتـه

منتديات سبيع الغلباء (https://www.sobe3.com/vb/index.php)

- منتــــدى القصائـــــد المنقولــه (https://www.sobe3.com/vb/forumdisplay.php?f=53)

يا ناس خلـو كـل وادي ومجـراه = قلتـوا كثيـر وقولكـم مـا لقيتـه

[U][size=5][align=center]بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : إليكم هذه القصيدة من القصايد الخالدة في تاريخ الشعر الشعبي لشاعر نجد الكبير / عبدالله بن سبيل رحمه الله وأسكنه فسيح جناته :-

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا الله يا اللي تسجد النـاس لرضـاه= يا وامر ٍ خلقـه علـى حـج بيتـه

تفرج لمن سده على الناس ما أبداه= راضي على مقسومك اللي عطيتـه

من شي يسل الحال والجسم يبـراه= والناس ما يشفونـه إن مـا شفيتـه

قلت آه وا جرحـاه مـن علتـي آه= وإن حملوني حمـل غـي ٍ قويتـه

قالوا سفا بالحال ويش اللي أغـواه= قلت آه ويش المنكر اللـي وطيتـه

قالوا جهلت وبـان علمـك لمنهـاه= قلـت اّه علمـي يا مـلا ما كميتـه

قالوا طلبنـا لـك مـن الله معافـاه= قلت آه وحدتـه وعفـوه رجيتـه

قالوا هله وأحباب عينـه نصحنـاه= قلـت آه هــذا واردٍ ما بغيـتـه

قالوا ندور لك من البيـض حليـاه= قلت آه لو غيـره بكفـي رميتـه

قالوا نشاش العُـود مالـك بلامـاه= قلت آه عُود المـوز بيـدي لويتـه

قالوا تـزوج كـود تدلـه وتنسـاه= قلت آه لو خذت أربـع ٍ ما نسيتـه

قالوا من أقصى الناس وين أنت وإياه= قلت آه ما أنسى يوم جاني وجيتـه

قالـوا نشوفـه عنـد هـذا وهـذاه= قلت آه عمره ما عقب حـجر بيتـه

قالـوا عليـل وناقـل ٍ داه بـرداه= قلت آه بأقرابـي وروحـي فديتـه

قالـوا نشيـر ولا نفـع ما حكينـاه= قلت آه هـراّج النمايـم عصيتـه

قالوا كثـر شيبـك وقلبـك بعميـاه= قلـت آه لو قلبـي غريـر ٍ نهيتـه

مطـاوع ٍ قلبـي بعجفـاه واقـداه= وإلى عطى منهاج درب ٍ عطيتـه

يا ناس خلـو كـل وادي ومجـراه = قلتـوا كثيـر وقولكـم مـا لقيتـه [/poem]

وإليكم هذه القصيدة المعبرة من القصايد الخالدة في تاريخ الشعر الشعبي لشاعر نجد الكبير / عبدالله بن سبيل رحمه الله وأسكنه فسيح جناته :-

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما ألوم يا نفس عـن الـزاد معطـاه= والمـاء ما يبـرد لهبهـا بـروده

لين أنحلت بالحـال والجسـم تبـراه= والقلب شبـت بـه سعايـر وقـوده

بالصدر أكنه كنـة الضـرم مخـزاه= ساعه ويشرب لـه ولزمـا يعـوده

لو إن جرحي ينكمي كان أبـا أكمـاه= لا شك بي شـيئ علـى الله ركـوده

أصبر مـا دام أنا أقدر الصبـر وأقـواه= ولا ينقـوي صبـر تعـدى حــدوده

صبر الهوان إليـا تذكـرت فرقـاه= ولا خيـر للفرقـا حتـن ومعـدوده

وين أنت ياللي توصل الخـط ملفـاه= فيحان شوق اللي تنقض جعوده

عوق الخصيم وستر من تذهل اغطاه= لا هج مـن عـج السبايـا قعـوده

ولا يسنـد إلا مـروي حـد شلفـاه= يمنى علـى نثـر الدمـي محمـوده

زبن الحصان اللى ارتخى سير علباه= يثنـي وراه ويحتمـي كـل عـوده

من راعي السابق إلى شاف مـدلاه= اللـي عدايلـهـا مجامـيـع ذوده

كن السبايـا يـوم توحـي مثـاراه= صيد مـن الرامـي تقافـى جهـوده

قل يا سعد من جـاه ما بـه مناجـاه= أبديت لك سدي كمـا إنـك سنـوده

الحب يـوم إنـك مقـره ومرسـاه= وقلبـك مداهيلـه ومركـز بنـوده

راعيه ما يبدى على النـاس عجفـاه= يكماه لين إنه بـرى الحـب عـوده

لا هنت رد لي الخبر عن سجايـاه= حيث إنك الباخـص بهونـه وكـوده

عن حال مشغوف نقـل داره بـرداه= يبغـى الدواء والـدواء خطيـر بـزوده

يا تـل قلبـي تلتيـن مـن أقصـاه= تـل الـوراد اللـي حـيـام وروده

يم الطـوال اللـي عـدوده مطـواه= يـروع جذابـه مجـاذب عــدوده

علـى قعـود ما يسانـع بممـشـاه= مستصعـب ما يتـبع اللـي يـقـوده

لا قال يا راعـي الجمـل زاد بخطـاه= إمـا انقطـع وإلا تصـرم عمـوده

على الـذي بينـي وبينـه مسـاداه= لا هـوب رايدنـي ولا أحـرزت أروده

ما غير يرعاني بعينه وأنـا أرعـاه= والكـل منـا ما يبـيـن ســدوده

ليته إلـى كزيـت لـه خـط يقـراه= أيضـا ويعطينـي حـرايـض ردوده

لا شك مـن دونـه نواطيـر وعـداه= اللي من أقصى الخلـق وإلا جنـوده

كثر النمايم سببـت قصـرة إخطـاه= واللي صفا لي في الليالـي سعـوده

لا ساعفـت راعـي النمايـم بدنيـاه= لعـل حالـه تنقـرض ما تـعـوده

يا أهل النمايم من عمل عمـل يلقـاه= في ماقف يـوم الجـوارح شهـوده

لو طال ياسه ما هقيـت إنـي أنسـاه= أذكـر تعاجيبـه ولجـلاج ســوده

من ذاق حـب السلهمـة ما تناسـاه= من الكبـر يذبـح وهولـه طـروده

شرهة يدي ما كل عـود تعصـاه= ولا هي على عوج العصي محـدوده

المطرق اللي يبتغى وين أبا ألقـاه= عيني له طفحة ونفسـي شـروده

أزوال واجـد مير ما هـي بمشـهـاه= النفس ياقـف لـه عيـاف يـذوده

الشاهـد الله ما تغالـيـت مـشـراه= لا شك وأقفن السبـب عـن وجـوده

ما صار مـن بينـي وبينـه مناجـاه= ما حـسـف الخاطر تـوقـف وروده

وأنـا ومثلـي بيـنـات هـوايـاه= غير الضمان اللـي تبعـث لهـوده

هذا مضى والخاتمـة عنـد مـولاه= ولا شـيء يصير إلا بحكمـة وجــوده [/poem]

هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .[/align][/size][/U]